Teknisk fagstilling - strategisk samfunnsutviklar 100% fast

Om stillinga

Me søkjer ein strategisk samfunnsutviklar til ei fast 100% teknisk fagstilling. Du vil få ei viktig rolle i kommunen sitt arbeide med samfunnsutvikling og planlegging, der du bidrar til å forma framtida for lokalsamfunnet vårt.

Stillinga inneber alt frå langsiktig strategisk planlegging, til dagledagse utfordringar som må handterast. Du vil yte støtte til både plan- og byggesakseininga, samt til einingar som handterer veg, vatn og avløp, mellom anna. Vidare vil du spela ei sentral rolle i digitaliseringsutvikling innan sektoren, og bidra til å effektivisera og modernisera arbeidsprosessane.

Du vil ha tett kontakt opp mot lag og organisasjonar i kommunen, samt interkommunale samarbeid innan sektoren samfunn, og vera ein viktig samarbeidspart for å fremja felles løysingar og utviklingsprosjekt. Stillinga inneber og ei rolle i kommunal kriseleiing, der du vil bidra til å utvikla og implementera robuste beredskapsplanar for kommunen.

Arbeidskvardagen vil vera variert og krev samhandling med både politiske aktørar, eksterne partnarar og ulike fagmiljø i kommunen. Som strategisk samfunnsutviklar vil du få ansvar for å utvikla, evaluera og implementera planar og tiltak som legg grunnlaget for ein bærekraftig og robust kommune.

Arbeidsoppgåver

• Byggesakshandsaming
• Støtte mot plan og bygg
• Støtte mot veg, vatn og avløp
• Bidra til utvikling og implementering av digitaliseringsprosjekt i sektoren
• Kontakt opp mot interkommunale samarbeid, lag og organisasjonar innafor sektor samfunn 
• I tillegg vil stillinga få ei rolle i kommunal kriseliing

Kvalifikasjonskrav

• Minimum 3 årig utdanning frå universitet, høgskule, fortrinnsvis tekniske fag
• Evt. fagbrev og 2 årig fagskuleutdanning
• Sertifikat B

• Gode norskkunnskaper, skriftleg og munnleg

   

Ønska kompetanse:

• Erfaring frå prosjektleiing og byggeleiing
• Erfaring frå byggesakshandsaming
• Juridisk kompetanse
• Erfaring frå privat sektor og/eller kjennskap til offentleg forvaltning, lover og reglar innan plan og bygg

Kven ser vi etter?

Me ser etter ein fleksibel person som er god på relasjonar og som likar å jobbe i dialog med andre. Du ser moglegheiter for utvikling, er idèrik og har evne til å gjennomføre. Du jobbar sjølvstendig og i tverrfagleg samarbeid, og du har evne til å setje deg inn i nye utfordringar, situasjonar og datasystem. Personleg eignaheit vert vektlagt.

Me tilbyr

• Konkurransedyktig løn 
• Ein arbeidsplass med fokus på fagutvikling i eit lærerikt arbeidsmiljø 
• Stor variasjon i oppgåver, som gir solid utvikling av eigen kompetanse
• God pensjonsordning 
• Moglegheit for vidareutdanning