Sveisar

Ulstein Verft har aukande aktivitet, og søker dermed etter fagleg sterke kandidatar som har ei interesse for skipsbygging og skipsoppgraderingar. Vi ser etter deg som har god teknisk forståing, og som saman med oss ønsker å utvikle og skape resultat. I Ulstein får du utfordra deg på mange forskjellige områder,

Intervju vil bli gjennomført fortløpande.

Arbeidsoppgåver

Arbeidsoppgåvene er varierte, og vil kunne innebere:

• Montering og sveising
• Reparasjon og vedlikehald

Kunnskap og erfaring som vil gjere jobben lettare

Vi ønsker å kome i kontakt med deg som har relevant utdanning innan mekanikk, teknikk eller industriell produksjon. I tillegg ønsker vi at du innehar Sveisesertifikat MIG/MAG/TIG/Elektrode. Du bør vere fagleg interessert, kvalitetsbevisst, og ha god produksjons- og teknisk forståing.
Vi setter pris på at du er nøyaktig, har ei god HMS-haldning og gode kommunikasjons- og samarbeidsevner.

Kvifor velje Ulstein som arbeidsplass

Ulstein Verft byr på varierte arbeidsoppgåver, gode kollega og moglegheiter for personleg utvikling. Ulstein er ein trygg arbeidsplass med gode HMS-verdiar, gode forsikrings- og pensjonsordningar og fleksitidsavtale for våre tilsette. Med godt humør og vilje til å bidra vil du passe godt inn hos oss. Det er ei god kjensle å vere ein del av eit over 100 år gamalt selskap forbunden med kvalitet, pålitelegheit og leveringspresisjon. Vi har gode produksjonsfasilitetar der arbeidet i all hovudsak føregår innandørs i vår utrustnings- og dokkhall.
Verdiane våre - å engasjere, innovere og avansere - bidreg til å skape eit godt arbeidsmiljø og gjer Ulstein til ein trygg og ansvarleg samarbeidspartnar.

I hjartet av Sunnmøre

Om du treng å flytte for å jobbe i Ulstein, så er Ulsteinvik ein flott plass å bu i hjartet av Sunnmøre. Det er kort veg til kino, konsertar, badeland, klivrehall, restaurantar og butikkar. Omkransa av fjell og turterreng til fots, på sykkel eller ski. Bylivet i Ålesund eller naturopplevingar i Sunnmørsalpane er også berre ein times køyring ifrå Ulsteinvik.