Ledig stilling som kommunikasjonsrådgjevar

KORO har ledig eit vikariat/engasjement som kommunikasjonsrådgjevar for ein periode på eitt år, helst frå januar 2025.

Vi søker ein kunnskapsrik og kreativ kommunikasjonsrådgjevar som kan styrka formidlinga av kunst i offentlege rom til ei stor og variert målgruppe; det allmenne publikum, mottakarinstitusjonar, kunstfeltet, samarbeidspartnarar, presse og media.

Seksjon for formidling og kommunikasjon i KORO er ei lita og entusiastisk eining med fire tilsette som, i samarbeid med gode kollegaer i resten av KORO, skal auke interessa, kunnskapen og engasjementet for kunst i offentlege rom. Kunstproduksjonane i KORO er organisert i sjølvstendige prosjekt, og den som vert tilsett vert og ein del av utvalde prosjektgrupper. Stillinga rapporterer til leiar for seksjon for formidling og kommunikasjon. 

KORO har for tida ei rekke større oppdrag, mellom anna kunst til det nye regjeringskvartalet i Oslo. Omlag halvparten av arbeidet til stillinga vil være knytt til dette prosjektet.

Arbeidsoppgåver

• Planlegge og gjennomføre kommunikasjons- og formidlingstiltak knytt til kunstprosjekt i arbeid og for kunst som inngår i samlinga til KORO
• Produsere tekstar og innhald til nettsider, nyhendebrev og sosiale media
• Redigere og oppdatere nettsider
• Pressemeldingar, pressebilete og mediekontakt
• Delta aktivt i det interne tverrfaglege og prosjektorienterte arbeidet i KORO
• Arkivering og dokumentasjon 

Kvalifikasjonar

• God penn og auge for formidling av visuell kunst
• Kunstfagleg kompetanse og/eller solid kjennskap til kunstfeltet
• Gode formuleringsevner på norsk (vi bruker begge målformer) og engelsk
• Erfaring med digital kommunikasjon og formidling i ulike kanalar og plattformer (kjennskap til Indesign og WordPress er ein fordel)
• Relevant utdanning på bachelor- eller masternivå, til dømes innan kommunikasjon, journalistikk, formidling, og/eller kunst- og kulturfag

Personlege eigenskapar

• Sjølvstendig, strukturert og løysingsorientert
• Gode kommunikasjons-, samarbeids- og gjennomføringsevner
• Effektiv og engasjert

Vi tilbyr

• Interessante arbeidsoppgåver i eit godt arbeidsmiljø.
• Fleksibel arbeidstid og gode velferdsordningar.
• Medlemskap i Statens pensjonskasse.