Terapeut med høgskuleutdanning

DPS dag har ledig 100% fast stilling for terapeut med høgskuleutdanning til OP-teamet.

OP-team er eit ambulant team som arbeider primært med pasientar som har alvorlege psykiske lidingar. OP-team planlegg å bli eit FACT-team på sikt. Vi ser etter deg som ønskjer å jobbe der pasientane er, og har eit ynskje om å samhandle på tvers av tenestenivå for å gi pasientar best mogleg oppfølging. DPS dag er opptatt av god samhandling, og vi motiverast av å ha pasientens ynskjer og behov i fokus.

DPS dag er ein poliklinikk som gir distriktspsykiatriske tilbod til kommunane i Sunnfjord og Ytre Sogn. Poliklinikken er ein seksjon i avdelinga Psykiatrisk klinikk. Dei tilsette i poliklinikken er tverrfagleg samansett med legar, psykologar og høgskuletilsette. Vi har eit aktivt forskingsmiljø knytt til psykiatrisk klinikk og har fleire tilsette i pågåande doktorgradsprosjekt om psykisk helse og behandling. Poliklinikken er lokalisert i både Førde og Florø.

Arbeidsoppgåver

• Tilby erfarings- og kunnskapsbasert behandling i samråd med pasienten
• Delta og bidra i tverrfagleg team
• Kartlegging av pasienten sine ressursar
• Arbeide innsatsstyrt i pasientbehandlinga
• Utarbeide behandlings- og kriseplanar - samt følge dei opp
• Utstrakt grad av samhandling med kommunar, fastlegar og pårørande

Kvalifikasjonar

• Helse- og/eller sosialfagleg høgskuleutdanning eller tilsvarande
• Vidareutdanning innan psykisk helsearbeid eller rus
• Lang relevant klinisk erfaring kan kompensere for manglande vidareutdanning
• Minimum to års klinisk erfaring frå arbeid med psykisk helse og/eller rus
• Forståing av systemet rundt pasienten og kjennskap til arbeidsoppgåver innan 1. og 2. lineteneste
• God skriftleg og munnleg framstillingsevne
• Søkarar utanfor Skandinavia må dokumentere kunnskap i norsk, både skriftleg og munnleg
  
• Førarkort klasse B

Personlege eigenskapar

• Evne til å prioritere oppgåver i ein hektisk kvardag
• Eit reelt engasjement for pasientgruppa
• Evne til å skape gode relasjonar
• Gode samarbeidsevner
• Fleksibel og evne til å vere løysingsfokusert
• Lyst til å utvikle deg saman med oss

Det vert lagt stor vekt på personlege eigenskapar

Vi tilbyr

• Løn i samsvar med gjeldande overeinskomst
• Gode pensjons- og forsikringsordningar
• Eit aktivt og triveleg arbeidsmiljø
• Høgt fagleg nivå
• Rettleiing
• IA bedrift

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.