Rådgjevar/seniorrådgjevar

Avdeling for organisasjon og økonomi – HR-seksjonen Organisatorisk støtte og HMS søkjer rådgjevar/seniorrådgjevar HMS med vekt på psykososialt arbeidsmiljø

Vil du ha ei viktig rolle innan HMS i ein kompleks og spennande organisasjon?
HR-seksjonen søkjer etter ein dyktig rådgjevar/seniorrådgjevar innan HMS med vekt på psykososialt arbeidsmiljø. Hos oss får du ei sentral rolle med stor moglegheit for innverknad gjennom strategisk arbeid. Du vil også ha ein meir operativ funksjon gjennom å forme, utvikle og følgje opp tenestetilbodet som ligg under fagfeltet og ansvarsområdet til HMS-gruppa.

Ditt hovudarbeidsområde vil vere psykososialt arbeidsmiljø der du får jobbe med arbeidsmiljøutvikling og konfliktførebygging og -handtering. Du vil også ha ei viktig rolle med å gje leiarstøtte på feltet, og i opplæring til leiarar og AMU-medlemmar. Det er stor grad av autonomi i rolla. Tverrfagleg samarbeid står sentralt hos oss, og vi søkjer etter deg med god evne til relasjonsbygging og dialog.

Arbeidsoppgåver

• Strategisk arbeid innan risikobasert arbeidsmiljøutvikling
• Bidra i arbeidet med organisasjons- og kulturutvikling
• Konfliktførebygging og -handtering
• Leiarutvikling og -opplæring
• Utvikling, systematisering og dokumentasjon på HMS-området

Kvalifikasjonar

• Mastergrad i relevante fag. Krav om mastergrad kan fråvikast om du har særleg relevant arbeidserfaring og relevant utdanning på bachelornivå (konsulent/seniorkonsulent)
• Relevant arbeidserfaring, gjerne frå større, komplekse organisasjonar
• God kjennskap til offentleg sektor er ein klar fordel

Personlege eigenskapar

Som person er du strukturert og analytisk, samtidig som du er handlekraftig og har god gjennomføringsevne. I tillegg har du relasjonsbyggjande eigenskapar som gjer at du får med deg dine samarbeidspartnarar. Du har også god skriftleg og munnleg framstillingsevne.

Vi tilbyr

• Ei sentral rolle med betydeleg ansvar innanfor eit spennande fagfelt
• Utviklande arbeidsoppgåver
• Relevant kompetanseutvikling
• Eit triveleg og engasjert arbeidsmiljø
• Fleksibel arbeidstid
• Gode offentlege pensjons- og forsikringsvilkår