Avdelingsleiar

I Sjukehusapoteka Vest (SAV) jobbar det rundt 350 medarbeidarar, delt på fem sjukehusapotek og ein sentraladministrasjon i Bergen. Hos oss arbeidar det farmasøytar, apotekteknikarar, sjukepleiarar, anna helsepersonell, prosjektleiarar og medarbeidarar innan HR, økonomi, IKT og kommunikasjon.

Arbeidet vårt er fordelt på fire verksemdsområde: publikumsapotek, produksjon, sjukehusekspedisjon og farmasøytiske tenester. Ved Sjukehusapoteket i Haugesund (SiH) er det ein avdelingsleiar for kvart av desse forretningsområda, og saman med apotekar utgjer desse leiargruppa til apoteket.
Det er om lag 40 tilsette ved apoteket i dag.
Apoteket er inne i ein spennande periode med å etablere eit anlegg for å pakke om tablettar og kapslar til eindose som skal ut til sjukehusa i heile helseregion vest. I samband med dette blir det no etablert ei ny avdeling ved apoteket, og vi søkjar ein engasjert og motivert leiar til den. Avdelingsleiar vil rapportere til apotekar og inngå i leiargruppa til apoteket.

Arbeidsoppgåver

• Du blir leiar for avdeling for eindose, med personal-, økonomi- og fagleg ansvar for avdelinga si drift og utvikling innanfor rammene til Sjukehusapoteka Vest HF.
• Du har ansvar for å utvikle og sikre leveransar av eindose til helseregion vest.
• Du inngår i apotekar si leiargruppe og bidrar gjennom dette til vidareutvikling av apoteket
• Andre oppgåver kan tilfalle ved behov

Kvalifikasjonar

• Du har gjerne leiarerfaring.
• Du har utdanning innan farmasi på bachelor- eller masternivå.

Personlege eigenskapar

• Du er opptatt av god leiing og motivert for å utvikle eiga avdeling og eigne medarbeidarar.
• Du arbeider systematisk og får ting gjort.
• Du likar å samarbeide og ønskjer å bidra til trivsel og eit godt arbeidsmiljø.
• Det vil bli lagt vekt på å vera personleg eigna for stillinga

Vi tilbyr

• ei leiande rolle i eit dynamisk, stort og inspirerande fagmiljø, med eit viktig samfunnsoppdrag i botn
• gode moglegheiter for å utvikle deg fagleg og som leiar
• støttande og samarbeidsvillige leiarkollegaer
• løn etter avtale

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.