LIS 2/3 Indremedisin med rekrutteringstillegg

Voss sjukehus, Haukeland universitetssjukehus har ledig fleire faste stillingar for LIS2/3 i Indremedisin. Me vil gjerne ha deg med på laget! Vi tilbyr spesialistutdanning som dekkjer heile utdanningsløpet i generell indremedisin. Etter fullført spesialisering vil stillinga bli omgjort til stilling som legespesialist.

Generell indremedisin på Voss er ein framoverlent gjeng som består av 2,5 gastroenterologar, 2 lungelegar, geriater og nefrolog. Kardiolog er for tida i poliklinisk verksemd. Vi ynskjer å styrke LIS 2/3-laget, og det er der du som les dette kjem inn i bilete.

I vår avdeling står faget i fokus og vi legg vekt på gode rammer for læring og faglig vekst. Det er dette som sikrar god og trygg behandling av pasientane våre. Me har sengepost med 20 senger og kort liggetid, i tillegg til høg aktivitet i poliklinikk. Ved visittarbeid er det alltid dedikert overlegeressurs tilgjengeleg. Aktuelle prosedyrar i vår avdeling er pleuratapping, ascitestapping, lumbalpunksjon, gastroskopi, coloskopi, ekkokardiografi, arbeids EKG, spirometri / TLCO, CPET (VO2Max) og dialysebehandling. Aktivitet vil henge saman med kva fagfelt ein har valdt å fokusere på med omsyn til læringsmål. Me har eigen utdanningsansvarleg overlege som bidreg til å tilpasse aktivitet i poliklinikk med læringsmål. Fast tilsette LIS2/3 ved Voss Sjukehus kan gjennomføre gruppe 1 teneste ved Haukeland Universitetssjukehus.

Vaktordninga er per no 6 delt med døgnvakt. På vakt vil du møte faget i full breidde og me har også mottak av hjerneslag og trombolytisk behandling. Du har tett samhandling med LIS1 og erfarne overlegar.

For tida tilbyr me eit rekutteringstillegg på kr. 100.000,- (bindingstid 12 md.) samt sessongkort hjå Voss Resort slik at du kan gå rett frå jobb til gondolen som ligg 10 minutt unna for å nytte anlegget på kveld, helg og fridagar.

Arbeidsoppgåver

• Visitt på sengepost
• Poliklinikk
• Vakt
• Rettleiing av LIS1
• Internundervisning

Kvalifikasjonar

• Du må ha norsk autorisasjon og godkjend turnusteneste/LIS 1, eller teneste som etter gjeldande norsk regelverk kan leggjast til grunn for tilsetjing i LIS 2/3 stilling
• Du må meistre norsk språk både skriftleg og munnleg samt ha god skriftleg dokumentasjonsevne
  

Personlege eigenskapar

• Du likar å arbeide saman med andre, men synest pasientar og pårørande er dei viktigaste
• Du har interesse og motivasjon for fagfeltet
  

Vi tilbyr

• Stort fagleg engasjement
• Me vil at du skal lykkast med å oppnå fagleg vekst og meistring
• Lønn i samsvar med gjeldande overeinskomst
• Forholda blir lagt til rette for deltaking i undervising og kurs
• Rekrutteringstillegg og skikort
• Me bistår gjerne med å skaffe bustad, fint om dette i så fall er opplyst i søknad
  
  

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.