Vikariat rådgivar kommunal planlegging 6 mnd.

Ønskjer du å jobbe med planlegging, vere ein del av eit planfagleg miljø med fleire planleggarar og vere med å utvikle kommunane i Møre og Romsdal? Ved seksjon for plan har vi ledig eit 6 månaders vikariat i 100 % stilling som rådgivar i kommunal planlegging.

Arbeidsoppgåver

• Samordne innspela frå dei ulike ansvarsområda i fylkeskommunen i eit felles brev med ei tilråding. Gjennom ordninga med plansamordning arbeider rådgivaren tett med andre avdelingar i fylkeskommunen.
• Ha dialog med kommunane om konkrete saker, svare på spørsmål og delta på synfaringar hos kommunane i fylket ved behov
• Skrive saksframlegg til fylkesutval i saker der fylkeskommunen reiser motsegn
• Delta i utviklingsarbeid i fylket der plankompetanse er etterspurt
• Oppgåvene kan tilpassast etter kompetansen til den som får vikariatet

Høve til rask tilsetting vil bli vektlagt.

Kvalifikasjonar

• Relevant høgare utdanning, t.d. arealplanleggar/samfunnsplanleggar, arkitekt, geograf eller landskapsarkitekt. Også annan utdanningsbakgrunn kan vere aktuelt dersom ein har erfaring frå arbeid med planlegging.
• God kjennskap til plan og bygningsloven med tilhøyrande forskrifter og annet relevant lovverk
• Gode digitale ferdigheiter
• God forståing av skilje mellom politikk og administrasjon

Personlege eigenskapar

• Er positiv, serviceinnstilt og har gode samarbeidsevner
• Kommuniserer godt, både munnleg og skriftleg
• Er ansvarleg, strukturert og arbeider målretta
• Er samfunnsinteressert

Vi tilbyr

• Trivelege kollegaer og eit tverrfagleg og utviklande arbeidsmiljø
• Interessante og kompetansegivande oppgåver, som m.a. gir god innsikt i ulike samfunnsområde og det politiske systemet
• God tilgang til faglege nettverk, både regionalt, nasjonalt og internasjonalt
• Ein arbeidsgivarpolitikk med satsing på vekst og fagleg utvikling av leiarar og medarbeidarar
• Offentleg pensjonsordning, gruppelivs- og ulykkesforsikring
• Løn etter avtale