Konsulent

Seksjon Arkiv og dokumenthandtering har ledig fast stilling som konsulent .

Helse Førde søkjer ny og dyktig medarbeider til oppgåver innan digital dokumentasjonsflyt, forvaltning og arkiv.

Fag og utviklingsavdelinga har etablert ein ny seksjon; Arkiv og dokumenthandtering som mellom anna har det overordna ansvaret for saksbehandlarsystemet Elements og digitalt arkiv. I tillegg skal seksjonen forvalte inn- og utgaåande post, dokumenthandtering og digitalisering av det, samt ansvar for forvaltning av dei fysiske arkiva i føretaket. Stillinga som konsulent har per idag i hovudsak arbeidsoppgåver innan Elements og digital dokumenthandtering.

Oppstart i stilling etter avtale.

Velkomen til Helse Førde!

Arbeidsoppgåver

• Daglege oppgåver med dokumenthandsaming, postmottak og digital arkivering
• Opplæring og rådgjeving til saksbehandlarar i bruk av saksbehandlarsystemet Elements
• Vidareutvikle rutinar for dokumenthandtering, dokumentflyt og dokumentasjon i Elements
• Bruke aktuelt regel- og lovverk
• Noko arkivpleie
• Andre oppgåver i seksjonen etter behov
  

Kvalifikasjonar

• Relevant utdanning /erfaring innan arkiv- og dokumentasjonsforvaltning, digitalisering eller tilsvarande utdanning
• Solid IKT-kompetanse/innsikt i Windows og MS Office
• Erfaring med og god forståing av digitalt saksbehandlarsystem
• Gjerne erfaring med rettleiing og undervisning
• Relevant erfaring frå tilsvarande arbeid kan kompensere for manglande utdanning
• Må ha gode kunnskapar i norsk, både munnleg og skriftleg.

Personlege eigenskapar

• Gode evner til samarbeid og kommunikasjon
  
• Serviceinnstilt og ansvarsmedviten
  
• Strukturert og sjølvstendig
• Må trivast med å arbeide i team

Vi tilbyr

• Lønn i samsvar med gjeldande overeinskomst
  
• Gode pensjons- og forsikringsordningar
• Godt arbeidsmiljø

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.