Lege i spesialisering, indremedisin

Medisinsk klinikk, Helse Bergen, Haukeland universitetssjukehus har ledig seks stillingar for lege i spesialisering i indremedisin, med moglegheit for spesialisering innan våre øvrige hovudspesialitetar; blodsjukdommar, endokrinologi, fordøyelsessjukdommar, infeksjonssjukdommar og nyresjukdommar.

Vi tilbyr spesialistutdanning som dekker heile utdanningsløpet i alle spesialitetane. Etter fullført spesialisering vil stillinga bli omgjort til stilling som legespesialist.

Klinikken har eigne seksjonar for blodsjukdommar, fordøyelsessjukdommar, hormonsjukdommar, infeksjonssjukdommar, nyresjukdommar, klinisk ernæringsfysiologi, sosionomtenester, kontortenester og forsking. Klinikken har ansvar for diagnostikk og behandling av pasientar med eit breitt spekter av indremedisinske tilstandar og har fem sengepostar med 71 senger, mellom dei 12 overvakingssenger til våre ulike pasientkategoriar. Klinikken har vel 650 tilsette, har 5500 døgnopphald, mest øyeblikkeleg hjelp, og driv i tillegg ei stor poliklinisk verksemd med meir enn 80.000 konsultasjonar kvart år. Klinikken har eiga dialyseavdeling med 15.000 dialysar årleg og stor gastroenterologisk endoskopisk og ultrasonografisk verksemd.

Saman med Klinisk Institutt 1 og 2, Universitetet i Bergen, har klinikken ei stor forskingsverksemd.

Vedkommande som får tilbod om tilsetting må legge fram godkjend politiattest (vandel) jf. Lov om helsepersonell § 20a.

Arbeidsoppgåver

• Delta i klinikken sine ulike aktivitetar
• Delta i medisinsk forvaktsordning
• Delta i undervisning i Medisinsk klinikk
• Klinisk undervisning for studentar inngår i oppgåvene
• Delta i kvalitets- og forbetringsarbeid i klinikken

Kvalifikasjonar

• Den som blir tilsett må ha norsk autorisasjon og godkjend turnusteneste/LIS 1 eller teneste som etter gjeldande norsk regelverk kan leggast til grunn for tilsetting i LIS 2/3-stilling i indremedisin
• Søkar må meistre norsk munnleg og skriftleg
• Forskingsinteresse eller -erfaring er ein fordel

Personlege eigenskapar

• Vi søker etter lege med interesse for indremedisin
• Må ha gode evner til å arbeide med pasientar
• Må vere godt motivert, fleksibel og ha gode samarbeidsevner på tvers av medarbeidargrupper

Vi tilbyr

• Stimulerande arbeidsmiljø i ein aktiv klinikk med høg fagkompetanse
• Sterkt fokus på praktisk og teoretisk opplæring, undervisning og forsking
• Gode høve for deltaking i forsking
• Gode pensjons- og forsikringsordningar
• Lønn etter gjeldane overeinskomstar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.