IKT-koordinator Sunnmøre

Team Brukaroppleving er ein del av IT-seksjonen i Møre og Romsdal Fylkeskommune. Hovudområda er brukarstøtte og fagleg ansvar for alle IKT-lærlingane i fylkeskommunen. IT-seksjonen har f.t. 46 tilsette og 16 lærlingar.

IKT-koordinator Sunnmøre vil ligge under Team Brukaroppleving med teamleiar som næraste overordna og skal ha fagleg oppfølging og rettleiing av dei tilsette i regionen. IKT-koordinator vil ha eit overordna ansvar, inkludert personaloppfølging, for lærlingane i eigen region og skal følge opp, gje støtte og bistand til skoler og tannklinikkar i regionen. IKT-koordinator skal samarbeide tett med koordinatoren for Nordmøre og Romsdal.

IKT-koordinator skal engasjere og motivere medarbeidarar til å yte det beste for brukarane våre og bidra til å fremme og vidareutvikle samarbeid innan i IT-seksjonen

Vi søkjer etter ein IKT-koordinator for Sunnmøre. IKT-koordinator skal følgje opp desse skulane: Borgund, Fagskolen i Ålesund, Haram, Herøy, Spjelkavik, Stranda, Sykkylven, Ulstein, Volda, Ørsta og Ålesund vidaregåande.

Arbeidsstad: Ålesundsområdet på ein av fylkeskommunens lokasjonar og/eller Fylkeshuset i Molde etter nærmare avtale.

Arbeidsoppgåver

• Overordna fagleg ansvar for lærlingane, inkludert personal- og opplæringsansvar
• Ansvar for internt kontrollsystem for opplæring av lærlingar
• Overordna ansvar og oppfølging av lokale instruktørar i regionen
• I samråd med teamleiar; følge opp, hjelpe til med, støtte og rettleie IT- ressursane ved skolane
• Ressursplanlegging i regionen
• Hjelpe skoler og tannklinikkar i regionen med deira behov og utfordringar og gjennomføre statusmøter ved behov
• Følgje opp SLA for IT-seksjonen ovanfor skoler og tannklinikkar i regionen

Kvalifikasjonar

• Relevant høgare utdanning
• Gjerne erfaring frå prosjektarbeid
  
• Erfaring med servicearbeid innan IT
• Erfaring med fagleg rettleiing av andre
• God forståing av IT infrastruktur
• Gode kommunikasjonsevner, munnleg og skriftleg
• Sertifikat på bil

Personlege eigenskapar

• Evne til å forstå samanhengar og avhengigheiter mellom system, tenester og brukarar
• Erfaring frå personalleiing/oppfølging, gjerne med ungdom
• Framtidsretta, løysingsorientert og engasjert
• Har stor arbeidskapasitet, gjennomføringsevne og trivst med hektiske arbeidsdagar og en del reising
• Er ein relasjonsbygger og evnar å motivere andre
• Er systematisk
• Har gjerne erfaring frå å jobbe etter ITIL-metodikk

Vi tilbyr

• Ei utfordrande og spennande stilling i eit arbeidsmiljø kjenneteikna av stor profesjonalitet og sterkt fagmiljø
• God tilgang til faglege nettverk og fagleg utvikling
• Offentleg pensjonsordning, gruppelivs- og ulykkesforsikring
• Løn etter avtale (HTA kap 3)