Faste stillingar og ferievikariat i Laboratorieklinikken

Laboratorieklinikken treng fleire dyktige og engasjerte bioingeniørar! Vi søker etter deg som ønsker fast fulltidsjobb i våre laboratorium. Vi søker også etter deg som ønsker å jobbe i sommarferien og i deltidsstilling ved sidan av studiar.

Haukeland universitetssjukehus er ein av dei største tilbydarane av laboratorieanalysar i Noreg. Laboratorieklinikken tilbyr eit breitt spekter av analysar innan ulike
fagområde. I tillegg til analytisk verksemd, tilbyr laboratoria rettleiing for bruk av analysar og tolking av analysesvar. Bioingeniørar utgjer den største faggruppa i laboratoria. Dei tilsette er den viktigaste ressursen vår og vi arbeider for å knytte til oss dei beste fagfolka og vil legge til rette for at alle tilsette skal trivast og yte sitt beste.

Laboratoria i Laboratorieklinikken har behov for bioingeniørar/bioingeniørstudentar no, til sommaren og vidare utover hausten i 2025.

Dette er ei felles annonse for:

• Avdeling for medisinsk biokjemi og farmakologi (MBF), inkl. Hormonlaboratoriet og tilhøyrande satellittseksjonar:
  • MBF-Glasblokkene
  • Laboratoriet på Voss sjukehus (MBF-Voss)
  • Laboratoriet på Kysthospitalet i Hagevik (MBF-KIH)
• Mikrobiologisk avdeling (MIA)
  
• Avdeling for immunologi og transfusjonsmedisin (AIT)
  
• Avdeling for patologi (PAT)
  
• Avdeling for medisinsk genetikk (MGM)
• Seksjon for kreftgenomikk (SKG)
• Biobank Haukeland (BBH)

På MBF, MIA, PAT og AIT er det turnusarbeid.

Vi håper du kan tenke deg å arbeide hos oss i Laboratorieklinikken. Dersom du har eit ønske om kva for eit laboratorium du helst vil arbeide ved, kan du skrive dette i søknaden.

Arbeidsoppgåver

• Alle bioingeniørar/bioingeniørstudentar må vanlegvis delta i blodprøvetaking
• Den som blir tilsett må pårekna både analytiske og preanalytiske oppgåver

Kvalifikasjonar

• Fordel med relevant erfaring
• Må meistre norsk skriftleg og munnleg
• For faste stillingar er det krav om norsk autorisasjon som bioingeniør

Personlege eigenskapar

• Påliteleg og arbeidsam
• Kunne arbeide i team
• Ha god fagleg vurderingsevne og arbeide strukturert og målretta
• Vere sjølvstendig, konstruktiv og fleksibel
• Like varierte utfordringar
• Du er serviceinnstilt til pasientar, publikum og kollegaer

Vi tilbyr

• Høgt fagleg nivå
• Spennande arbeidsoppgåver i eit triveleg arbeidsmiljø
• Ein inkluderande arbeidsplass
• Lønn i samsvar med gjeldande overeinskomst

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.