Vil du jobbe med oppfølging av straffesaker?

I Vest politidistrikt er det ledig ein til fleire faste stillingar som seniorkonsulent på Seksjon for Sak- og dokumenthandtering, tilhøyrande Felles eining for Påtale. På seksjonen er vi 37 tilsette i Bergen, Florø og Odda. Medarbeidarane har stor spreiing i alder og erfaring og arbeider godt saman på tvers av avsnitt og arbeidsoppgåver. Oppgåvene er mange og stiller høge krav til nøyaktigheit, detaljfokus og samtidig effektiv saksbehandling.

Arbeidsoppgåver

• Digital saksbehandling i samarbeid med politiadvokat, etterforskar og andre kollegaer
• Samarbeid med ulike partar i straffesaksarbeidet; statsadvokat, domstol, forsvarar, rettsmedisinsk, kriminalomsorgen, andre offentlege etatar og aktuelle partar
• Saksbehandling av digitale mediefiler.
• Kontakt med partane i saka over telefon og med fysisk oppmøte.
• Arkivering , både digitalt og fysisk.
• Delta i arbeid med forbetring og utvikling av seksjonen.
• Andre arbeidsoppgåver pålagt av overordna

Kvalifikasjonar

Nødvendige:

• Minimum 3-årig utdanning på høgskule- eller universitetsnivå og relevant arbeidserfaring
• Relevant arbeidserfaring blir vektlagd og kan etter nærare vurdering (minimum 5 år) erstatta kravet til utdanning
• God IT-kompetanse
• God munnleg og skriftleg framstilling på både bokmål og nynorsk

• Du må ha plettfri vandel og vere skikka for teneste i politiet. Politiattest (uttømmande og utvida) må du innhente ved eventuell tilsetting jfr. politilova § 18 og politiregisterlova § 41.

Ønskelege:

• Kjennskap til politiet sine datasystem
• Erfaring frå digital saksbehandling
• Erfaring med kundebehandling

Personlege eigenskapar

• Du tek ansvar, er fleksibel og løysingsorientert.
• Du jobbar like godt åleine som i team saman med andre.
• Du har gode samarbeidsevner og tilpassar deg omgivnader, kollegaer og arbeidsoppgåver.
• Du taklar at det skjer mange ting på ein gong, og evnar å omstille deg.
• Du jobbar både nøyaktig og effektivt med saksbehandling.

Som medarbeidar i politiet er du modig og heilskapsorientert, du viser respekt og er tett på. Du kan lese meir i vår medarbeidarplattform

Me tilbyr

• Ein utfordrande og spennande arbeidsplass for deg som vil være med og forme fremtida sitt politi
• Stilling som seniorkonsulent (stillingskode 1363), vert for tida lønna i lønnstrinn 57/ kr 557.100.Vidare lønnsutvikling vil skje gjennom lokale lønnsforhandlingar, jfr.hovudtariffavtalane i staten.
• Medlemskap i Statens pensjonskasse, med blant anna gode pensjons- og forsikringsordningar (www.spk.no)
• Gode arbeidsbetingelser (t.d. fleksibel arbeidstid, sommartid, trening i arbeidstida o.l.)

Generelt

Politiet meiner at inkludering og mangfald er ein styrke. Me treng medarbeidarar med ulike kompetansar, bakgrunn, erfaring og perspektiv for å bidra til endå betre oppgåveløysing. Dersom det er mogleg vil me leggja til rette for medarbeidarar som har behov for det.

Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal me kalla inn minst éin søkjar i kvar av desse gruppene til intervju. For å bli vurdert som søkjar i
desse gruppene, det vil seia positivt særbehandla på denne måten, må søkjarane oppfylla visse krav.

For å ha eit godt vurderingsgrunnlag ber me deg om å registrera utfyllande CV i rekrutteringsportalen vår og lasta opp relevante attestar og vitnemål. Dersom du har funksjonsnedsetjing, hol i CV-en eller innvandrarbakgrunn oppmodar me deg til å kryssa av for dette i rekrutteringsportalen vår. Avkryssingane dannar grunnlag for anonymisert statistikk som alle statlege verksemder rapporterer i årsrapportane sine.

Du kan lesa meir på arbeidsgivarportalen https://arbeidsgiver.difi.no/positivsaerbehandling.

Opplysningar om deg kan bli offentleggjort sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.

Vi ber om elektronisk søknad via lenka.

Saks.nr: 24/255060