Er du vår nye operatør for farleg avfall?

Er du serviceinnstilt og nøyaktig, og er interessert i å arbeide med trygg handsaming av farleg avfall i ein miljøbedrift? Då er dette jobben for deg!

NGIR ser etter ein operatør på avdeling for Farleg Avfall i ei 100% stilling. 

Avfallsbransjen står midt i det grøne skiftet, og krav til korleis vi handsamar det farlege avfallet vårt er styrt av nasjonale og internasjonale styresmakter. Jobben vi gjer er viktig for miljø, liv og tryggleik i regionen.

Hjå oss i NGIR får du ein meiningsfull og samfunnsnyttig jobb, ein variert arbeidskvardag i eit hektisk, sosialt og livleg arbeidsmiljø, med hjelpsame og trivelege kollegaer. NGIR er ein trygg og god arbeidsplass, med gode pensjonsordningar i KLP.

Berre søkjarar over 18 år vil verte vurdert. Arbeidsstad er i Kjevikdalen.

Arbeidsoppgåver:

• Yte god service og gje fagleg rettleiing til kundar.
• Ta imot og sortere farleg avfall frå hushald og næringskundar, samt laste om og vidaresende avfallet. Registrere i interne og eksterne databasar.
• Halde seg oppdatert i høve til aktuelle kurs og sertifikat.
• Bidra til effektivisering og utvikling i avdelinga.
• Syte for praktisk gjennomføring av arbeid knytt til Helse, Miljø og Tryggleik.
•  Syte for vedlikehald av anleggsmiddel knytt til avdelinga.
• Sjå til at avdelinga til kvar tid er ryddig og trygg.
• Diverse driftsoppgåver.

Ønskte kvalifikasjonar:

• Kunnskap om avfallsforskifta.
• Ha dokumenterte kurs om sortering, lagring  og transport av farleg avfall.
• Fokus på HMT (helse, miljø og tryggleik).
• Evne til å forstå lovverk og forskrifter.
• Grunnleggande datakunnskap.
• Elementær kunnskap om kjemi er eit føremon.
• Truckførarbevis T4 er ønskjeleg, men ikkje eit krav.

Personlege eigenskapar:

• Du er serviceinnstilt og imøtekommande.
• Du er ein ansvarsfull, påliteleg og arbeidsam lagspelar.
• Du liker å jobbe med menneske, og trivst i eit sosialt og hektisk miljø.
• Du har god ordenssans, og evne til å arbeide sjølvstendig og strukturert.
• Du tek raskt til deg ny informasjon og set deg fort inn i nye oppgåver.
• Du kommuniserer godt på norsk, både skriftleg og munnleg.

 Det vert lagt stor vekt på dine personlege eigenskapar.

Har du spørsmål om stillinga? Ikkje nøl med å ta kontakt med leiar for Produksjon og lager, Tom Willy Grongan, på tlf. 452 83 030.

Du sender søknad elektronisk via søkefunksjonen i utlysinga på finn.no

Vi gler oss til å høyre frå deg!