Kjenner du Ryfylkefjordane, og har brei erfaring som båtførar?

Me søker kaptein til spennande oppdrag i Ryfylkefjordane!

I Rødne rigger me oss for ei ny, utfordrande teneste, og leiter etter deg som er lokalkjend i Ryfylke. Har du vore ute på fjorden ei haustnatt før? Då kan dette vere jobben for deg! Me skal fortrinnsvis ha to faste kapteinar i 100 % stilling. Stillingane er lyst ut internt og eksternt.

Båten vil ha beredskap for kraftindustrien og enkelte charter- og taxioppdrag. Den tilsette er aleine ombord og kan ha heimevakt dersom ein bur nært eigna kai i området Stavanger-Ryfylke. Denne stillinga passar perfekt for deg som er godt kjent i Ryfylkebassenget, bur lokalt og er vane med at værforholda kan vere litt utfordrande.

Fartøy og oppdrag

Frå nyåret tar me over ei vaktteneste med døgnberedskap, utrykningar og planlagte oppdrag for Lnett og Hydro. Her vil ein vere ei viktig brikke i å sikra trygg transport av personell og lett utstyr til oppdrag på straumnettet i Ryfylkebassenget og kraftverka i Lysefjorden.

Fartøyet som vil bli brukt i tenesta er ein moderne Targa 44 med Volvo Penta IPS, flybridge, to lugarar med baderom og godt navigasjonsutstyr.

Turnus og arbeidskvardag

Me legg opp til å bemanne fartøyet med faste kapteinar i turnus. Beredskap inneber oppmøte innan ein time, så ein må vere klar på kort varsel.

Turnus i 100% stilling er to veker på og to veker av, med ein tre-vekers periode på sommaren.

Fastlønn sikrar stabil inntekt, uavhengig av variasjonar i arbeidsmengda. Gjennomsnittleg arbeidstid er berekna til fem timar per døgn, medan resten er beredskap. Mange dagar vil det vere mykje fritid utan utrykking medan ein har heimevakt.

Me er opne for søknader om deltidsstilling, dersom det er fleire som deler på vaktene i ei fast turnusordning. Spesifiser eventuelt dette i søknaden.

For å ha heimevakt må ein organisera kai inntil ti minutt frå eigen bustad. Kaileige blir dekka.

Krav til stillinga

Me søker kandidatar med følgande minimumskvalifikasjonar:

• Dekksoffisersertifikat klasse D5L
• Grunnleggande sikkerheitskurs (IMO 50)
• Radiosertifikat
• Godkjend helseattest frå sjømannslege
• Kurs i passasjer- og krisehandtering
• Kurs kan bli avtalt.

Me vektlegg også:

• Lokalkunnskap i Ryfylkefjordane og Lysefjorden
• Mengde relevant erfaring
• Grunnleggande maskinkunnskap
• Evne til å trivast i ei beredskapsrolle og jobbe sjølvstendig
• Initiativ til å halde topp standard på reinhald og vedlikehald
• Fleksibilitet og evne til å løyse det uføresette

Er du klar for å ta styringa på ein av dei mest spennande kapteinsrollene i Rogaland? Søk i dag og bli med på laget vårt! Frist er 10. desember. Søknadar blir vurdert fortløpande.

For spørsmål om stillinga, ta kontakt med:

Jone Ullenes, HR-sjef i Rødne, tel: 958 82 864