Me styrkar laget med ein Business Controller dedikert til Watermoon-teamet

Eide er eit familieeigd selskap og ein av pionerane i havbruksnæringa. Me har ein visjon om å setje standarden for framtidas havbruk. Visjonen vår handlar om å vere eit førebilete, slik at me kan produsera mat i sjøen på ein berekraftig måte. 

Me jobbar med utvikling av ny produksjonsteknologi, denne har me kalla for WATERMOON. Teknologien er eit resultat av mangeårig produksjonserfaring og stordatainnsamling. Watermoon er lukka og nedsenka, og vil vere vår nye plattform for berekraftig havbruk. Her vil laksen vekse i eit beskytta, naturleg miljø som minimerer påverknaden på havet. Teknologien er ein forpliktelse til berekraft og natur. Vår visjon handlar om å gå i front og vere eit eksempel til etterfølging. 

Me styrkar no laget med ein Business Controller dedikert til Watermoon-teamet. Bli med oss og ver ein del av ein kultur som verdset lidenskap, innovasjon og fridomen til å gjere ein forskjell. 

Om rolla 

I rolla som Business Controller vil du vere ein del av eit dedikert team som jobbar tett saman. Du vil få ei sentral stilling i administrasjonen og vil ha ei brei kontaktflate på tvers av organisasjonen. I denne rolla vil du jobbe dedikert mot og i Watermoon-teamet. Du vil også jobbe tett saman med økonomiressursane i konsernet og øvrig nøkkelpersonell.    

Arbeidsoppgåver: 

• Økonomioppfølging av prosjekt 

• Budsjettering og prognoser 

• Bidra aktivt i utviklings- og gjennomføringsprosjekt 

• Løpande arbeid med interne rutinar, prosessar og internkontrollar 

• Bidra proaktivt til innovasjon og endringsprosessar for å vidareutvikle selskapet og nå våre mål 

• Månads- og årsavslutning 

• Vere ei viktig ressurs på oppgåver og prosjekt på tvers av konsernet 

Kven er du? 

Du har relevant utdanning innan økonomi. Erfaring frå liknande stilling er ein fordel, men ikkje eit krav. Du er framtidsretta og nysgjerrig.  

For å lukkast i rolla er det viktig at du er motivert, har interesse og ynskje om å lære. 

Ønska Kvalifikasjonar: 

• 3-5 års utdanning innan økonomi 

• Relevant erfaring fra prosjektoppfølging er ein fordel, men me oppfordrar også nyutdanna til å søkje 

• Gode kommunikasjonsevner på norsk og engelsk, både skriftleg og munnleg 

Ønska personlege eigenskapar: 

• Du er strukturert, nøyaktig og tek eigarskap til oppgåvene dine 

• Du er resultatorientert, initiativrik og har god gjennomføringsevne 

• Du er proaktiv og effektiv med høg integritet 

• Du er tilpassingsdyktig og har stor arbeidskapasitet 

• Du har gode samarbeidsevner og likar å utføre oppgåver og prosjekt saman med andre 

Kva kan Eide tilby? 

I Eide tør me å satse, på visjonar og på folk. Me bryr oss om kvarandre, fisken vår og miljøet me driv og lever i. Hos oss vil du få varierte og interessante arbeidsoppgåver, samt moglegheit for personleg og fagleg utvikling i eit godt, trygt og inkluderande arbeidsmiljø, der arbeidsglede er viktig. Me har konkurransedyktig løn, pensjon og forsikringsordningar. Moderne kontorplass ved hovudkontoret i Hålandsdalen og i Bergen. 

Søknadsinformasjon: 

Me ønsker deg velkommen til å sende inn søknad, cv, og relevante dokument innen søknadsfristen: 15.12.2024

Om du har spørsmål knyttet til stillingen, ta gjerne kontakt med Administrasjons- og økonomiansvarlig Knut Olav Berg:

knut.olav.berg@efb.no / 99 22 44 82

Søk i dag dersom du vil ta del i å setje standarden for framtidas havbruk!