Rådgjevar

Haukeland universitetssjukehus nyttar ulike IKT-løysingar i samband med behandling og oppfølging av pasientar. Desse systema må gi god støtte til helsepersonell, både kvar for seg og samla i systemporteføljen. Vi har no ei ledig stilling i teamet som jobbar med kliniske system, og ser spesielt etter deg som har inngåande kjennskap til poliklinikk og bruk av løysingar som IMATIS og DIPS.

E-helse er ein avdeling i FoU-avdelinga, og har som hovudoppgåve å legge til rette for føremålstenleg bruk av IKT i Helse Bergen og bidrar med å sjå heilskap i system og prosessar for å realisere nytte av ny teknologi som blir tatt i bruk. Våre medarbeidarar har fokus på kvalitetsforbetringar, tryggleik og effektivitet i helsevesenet ved bruk av informasjonsteknologi. Avdelinga jobbar tett med klinikarar i sjukehuset og IKT-personell som utarbeider IKT-løysingar.

Arbeidsoppgåver

Som rådgjevar:
- jobbar du i grenseflata mellom helsefag og IKT
- bistår du dei kliniske avdelingane med IKT-løysingar som støttar opp om deira behov
- bidrar du til at løysingane blir tatt i bruk/brukt på ein hensiktsmessig måte i dei kliniske einingane
- inngår du i eit team innanfor Kliniske løysingar
- leier eller deltar du i ulike prosjekt både lokalt og regionalt

Kvalifikasjonar

• Erfaren brukar av IMATIS og DIPS på poliklinikk, gjerne på suparbrukarnivå
• Fersk klinisk erfaring frå poliklinkk
• God kjennskap til bruk av kliniske IKT system i sjukehuset
• God kjennskap til arbeidsflyt og -prosessar i sjukehus
  
• Strukturert, evner å utarbeide planar og pådrivar for framdrift
• Helsefagleg utdanning, minimum på bachelornivå
• Kompetanse innan, og interesse for, e-helse er sentralt
• Erfaring frå leiing prosjekt- eller forbetringsarbeid er ein fordel

Personlege eigenskapar

• Du tar initiativ og er nysgjerrig på å forstå problem og finne løysingar saman med brukarane av systema
• Du brenn for å finne løysing på komplekse problemstillingar både åleine og i samarbeid med andre
• Du er sjølvgåande, nøyaktig og påliteleg
• Du likar å jobbe tverrfagleg og ser verdien av andre sin kompetanse og erfaring
• Du er ein aktiv bidragsytar til eit godt miljø
• Du er fleksibel ved endring av oppgåver og fokus
• Du kommuniserer godt både skriftleg og munnleg på norsk

Vi tilbyr

• Spennande arbeid i grenseflata mellom helsefag og bruk av IKT
• Interessante utfordringar og moglegheiter knytta til både eksisterande og framtidige IKT-løysingar
• Eit aktivt og triveleg arbeidsmiljø
• Fagleg og personleg utvikling
• Fleksibel arbeidstid
• Lønn etter avtale

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.