Vil du jobbe som sjukepleiar på korttidsavdelingane?

Vi har ledige stillingar for sjukepleiarar ved korttidsavdelingane våre 
Luranetunet bu- og behandlingssenter har to korttidsavdelingar, begge med 20 plassar. Her kjem det inn pasientar både frå heimen og sjukehuset for behandling og rehabilitering. To av sengene ved Behandlingsavdelinga er KAD-senger.

Som sjukepleiar på Luranetunet bu- og behandlingssenter vil du få moglegheit til å bli kjent med alle avdelingar. Dette skapar varierande arbeidskvardagar, brei erfaring og kunnskap innan mange ulike område. Du får jobbe tverrfagleg og blir godt kjent med alle yrkesgrupper og du må vera førebudd på å bruka kompetansen din der behovet til ei kvar tid er størst.

Vi ser etter deg som:

• har autorisasjon som sjukepleiar, gjerne med relevant vidareutdanning.
• har eit hjarte som bankar ekstra for eldreomsorg
• liker å koordinera aktivitet og tenester i ein travel kvardag
• ser kva for oppgåver som er viktige i arbeidet med å aktivisera og stimulera bebuarane for å få fram glede og trivsel i kvardagen, samt hente ut sitt rehabiliteringspotensiale.
• evner å utføre god og omsorgsfull pleie når livet nærmer seg slutten
• deler kompetansen din og har gode kommunikasjons- og samarbeidsevner.
• er bevisst handlingane dine og set respekt, lojalitet og etikk høgt.
• bidrar positivt til arbeidsmiljøet i avdelinga, og er villig til å bidra på andre avdelingar når det trengst. 

Det vil bli lagt vekt på dine personlege eigenskapar
Søkjarar må ha gode norske språkferdigheitar, både munnleg og skriftleg

Utanlandsk utdanning må vere godkjend av Direktoratet for høgare utdanning og kompetanse (HK-dir): https://hkdir.no/utdanning-fra-utlandet

Vi gjer merksam på at du må legge fram politiattest.

Arbeidsstad
Kun nokre minuttars køyring frå Bergen ligg Luranetunet bu- og behandlingssenter. Senteret rommar 2 korttidsavdelingar og 7 langtidsavdelingar.

Luranetunet sin visjon er «Varme og vekst i samspel». Visjonen spring ut av den flotte, overbygde tropehagen på 1300 m2 i sentrum av Luranetunet. Her er det varmt og godt heile året, og aktivitet på både dag- og kveldstid.
Hagen er ein god plass å vere for bebuarar, pårørande og tilsette - og alt anna som veks og trivst når vi legg til rette for det. Ute har vi sansehage med lysthus, bærbuskar, tre og planter.
Varme og vekst står for den gode omsorga bebuarane våre skal oppleve, den personlege og fagleg utviklinga vi ønskjer for dei tilsette, og den varme velkomsten vi vil gi til pårørande og andre som kjem på besøk til oss.
Luranetunet er ein utdanningsinstitusjon med mange studentar, lærlingar og elevar i praksis og vi har eigne sjukeheimslegar i faste store stillingar.
Som helsepersonell må du vera førebudd på å arbeide utover eiga avdeling og bruka kompetansen din der behovet til ei kvar tid er størst.

Vi tek høgde for fråvær med å rekruttera helsepersonell i ei eiga ressursbemanning som skal dekke fråvær hjå fast personale.

Vil du lesa meir om Luranetunet bu- og behandlingssenter sjå vår heimeside:
Luranetunet bu- og behandlingssenter - Bjørnafjorden kommune (bjornafjorden.kommune.no)

Vi kan tilby

• eit aktivt miljø, med høgt tempo, fokus på fag og gode kollegaer. Stillingsstorleik kan diskuterast.
• Vi har fokus på heiltidskultur, men stillingsstorleik kan diskuterast. Stillingane inneber arbeid på dag, kveld og helg. I tillegg har vi eigne nattevaktslag med tilsette som berre jobbar nattevakter.
• Som ny i avdelinga vil du få god oppfølging og rettleiing
• Luranetunet har plan for internundervisning og det er moglegheit for relevant vidareutdanning.
• God pensjonsordning, yrkesskade- og gruppelivsforsikring
• Løn etter gjeldande avtalar

• God pensjonsordning, yrkesskade- og gruppelivsforsikring

Etter utløpt søknadsfrist, vil det bli generert ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar kan bli offentlege sjølv om ein har kryssa av for å bli unnateke. Dersom anmodningen ikkje vert tatt til følgje vil søkjaren bli varsla om det.

Vi vil aldri be søkjar om å oppgi BANK-ID informasjon i søknadsprosessen.