Inspektør/førsteinspektør

Mattilsynet er opptatt av å sjå matproduksjonen frå start til slutt, frå jord til bord, det såkalla heilkjedeperspektivet. Kjøttkontroll og tilsyn med slakteri er veldig viktig i denne heilkjedetanken. Det omfattar mellom anna tilsyn med dyretransport, dyrevelferd og dyrehelse hos levande dyr på slakteriet, hygieniske forhold under slakting og nedskjæring og vurdering av patologiske endringar på slaktet. Den store bredda i fagområdet gjer at arbeidet er spennande og utfordrande.

Avdeling Sunnfjord og Sogn ligg i Vestland fylke i Region Sør og Vest. Avdelinga har tilsaman 23 tilsette fordelt på 3 kontorstader: Førde, Sogndal og kjøtkontroll ved Nortura Førde.

Vi har ledig faste stilling som kontrollteknikar i Førde. Stillinga er primært i kjøtkontrollen/slakteritilsyn og lokalisert i Holtemyrane 6, kor slakteriet ligg.

Mattilsynet er ein kunnskapsorganisasjon som legg stor vekt på kompetanseutvikling og å dele kunnskap på tvers av fagområde. Teamarbeid står sentralt i organisasjonen. Som medarbeidar i Mattilsynet får du fagleg utvikling og kan påverke eigen arbeidssituasjon. Mattilsynet er ein viktig samfunnsaktør og må heile tida vere i endring for å takle nye utfordringar.

Mattilsynet er midt i ein organisasjonsutviklingsprosess med omlegging frå ein regionstruktur til tilsynsdivisjonar. Denne modellen dyrkar i større grad ein brukerretta inndeling, og legg vekt på faglege og ressursmessige synergiar. Ny organisering legg betre til rette for samhandling med interessentar og behovet til brukarane, og bidrar til ein meir strategisk utvikling av den offentlege kontrollen innanfor dei ulike tilsynsområda. Mattilsynet skal ved ny organisering bestå av eit hovudkontor/direktorat og eit operativt tilsyn som vil vere inndelt i fire fagorganiserte divisjonar istadenfor dagens organisering med hovudkontor og fem geografiske regionar. Tilsynsdivisjonane blir igjen delt opp i avdelingar. Den nye organisasjonen skal vere operativ frå 01.mai 2025.

Arbeidsoppgåver

• Oppgåvene for kjøtkontroll/slakteritilsyn er variert. Du jobbar med mattryggleik, slaktehygiene, dyrehelse, dyrevelferd, kjøtkontroll, biprodukt og prøvetaking i heile Mattilsynet sitt perspektiv – frå jord til bord.
• Ei av hovudoppgåvene er kontroll av slakt, men du må også pårekna andre oppgåver utifrå eit samla behov og prioriteringar i avdelinga.
• Du vil kunne drive prøveregistrering og sakshandsaming. Og ved behov kan du bli tildelt oppgåver i felt.
• Du jobbar saman med andre inspektørar i ei gruppe styrt av den offentlege veterinæren.
• Mattilsynet er ein beredskapsorganisasjon, det betyr at du må bidra til å handtere kritiske situasjonar. Mattilsynet samarbeider med andre offentlege etatar.
  

Kvalifikasjonar

• Den som skal vere kontrollteknikar må ha gjennomført kjøtkontrollteknikarkurs, med bestått eksamen og erfaring frå kjøtkontroll. Om du ikkje har det, vil du måtte ta kurs, opplæring og eksamen i Mattilsynet.
• Det er ein fordel om du har erfaring frå kjøtkontroll, offentleg forvaltning eller anna tilsynsarbeid. Kunnskap, utdanning og erfaring frå eit eller fleire av etatens fagområde vil bli vektlagt.
• Du må snakke og skrive flytande norsk.
• Du er fortruleg med å bruke IKT-verktøy og å ta i bruk nye digitale løysingar.
• Du har førarkort klasse B.
  
  

Personlege eigenskapar

• Du liker å jobbe i ei faggruppe og har gode samarbeidsevner, men må også kunne jobbe sjølvstendig.
• Du er fleksibel, engasjert og kommuniserer klart og tydeleg, men du må også vere tolmodig, lyttande og imøtekommande.
• Du er løsningsorientert og har evne til å prioritere, samt å følge prioriteringar.
• God forståelse av tilsynsrollen.
• Du kan jobbe effektivt og nøyaktig, samt å handtere ein hektisk arbeidskvardag med ulike arbeidstider. I periodar av året vil det vere noko ettermiddags- og kveldsarbeid.
• Du bidrar til et positivt arbeidsmiljø.
  

Vi tilbyr

• Fast stilling som inspektør (stillingskode 0676) eller for særs godt kvalifiserte søkjarar kan kode 1498 førsteinspektør bli vurdert. Løn etter avtale, avhengig av utdanning, erfaring og kompetanse, for tida fra kr. 480.000 til kr. 550.000 for tilsvarande stillingar i Mattilsynet. For særskilt kvalifiserte søkjarar kan høgare løn bli vurdert.
  
• Ein arbeidsplass der vi ser og oppmuntrar kvarandre
• Arbeid med eit spanande og viktig samfunnsoppdrag, i ein organisasjon i endring
• Ordna arbeidsforhold med betalt overtid
• Medlemskap i Statens Pensjonskasse med gode pensjons-, lån- og forsikringsordningar.

Slik søkjer du

Søknader vert berre motteken elektronisk via Mattilsynet sitt rekrutteringssystem WebCruiter. Du må registrere deg som brukar før du kan legge inn søknaden.

Vi ber om at du registrerer fullstendig CV, og laster inn vitnemål og attestar som vedlegg.