Lærling i service- og administrasjonsfaget

Er du ute etter ei spanande læretid med kjekke kollegaer i eit inkluderande og lærerikt miljø? Ved Amalie Skram vgs. har vi to ledige læreplassar i service- og administrasjonsfaget frå hausten 2025. Stillinga vil vere lokalisert i vårt moderne skulebygg i Bergen sentrum vegg i vegg med AdO Arena. Normal læretid vil vere 2 år dersom du går ordinært løp frå vg2 service, tryggleik og administrasjon.

I læretida vil du mellom anna lære mykje om:

• Kommunikasjon og service
• Relevante lover og regelverk
  
• IKT og bruk av dataverktøy
• Organisering av små og store arrangement

Les gjerne meir på vår nettside om korleis det er å vere lærling i Vestland fylkeskommune:

https://www.vestlandfylke.no/jobb-og-karriere-i-vestland-fylkeskomune/bli-larling-i-vestland-fylkeskommune/

Du kan lese meir om skulen her:

https://www.amalieskram.vgs.no/

Arbeidsoppgåver

Som lærling i service- og administrasjonsfaget vil du i læretida jobbe med eit breitt spekter av ulike oppgåver i samsvar med læreplanen.

Døme på dette er:

• Bruke ulike former for kommunikasjon for å samhandle; slik som telefon, e-post og Teams
• Enkel sakshandsaming og dokumenthandtering
• Utarbeiding av rutiner, grafisk- og informasjonsmateriell
• Arbeid med løn, reiserekningar, fakturahandsaming og rekneskap
• Planlegging og gjennomføring ulike elevaktivitetar
• Arbeid med internasjonalisering
• Prøveplanlegging og eksamensarbeid
• Organisering av interne møter, samlingar og arrangement med booking av møterom, opplevingar og reiser
  

Kvalifikasjonar

• Fullført og bestått vg1 og vg2 i Service, sikkerhet og administrasjon eller tilsvarande
• Gode datakunnskapar og god skriftleg framstillingsevne
• Ha vurdering «god» i både orden og adferd begge år, og lite fråvær
• God munnleg og skriftleg norsk framstillingsevne, noko engelskkunnskap er også naudsynt

Personlege eigenskapar

• Ei positiv innstilling
• Open og lærevillig
• Initiativrik og strukturert
• Punktlig og høflig
• Gode samarbeidsevner
• Evne til å handtere mange ulike oppgåver

Vi tilbyr

Amalie Skram vgs. har lang og god erfaring med lærlingar og tilbyr tett oppfølging av fagleg leiar og kollegaer på kontoret.

• Løn etter tariff som stig gradvis i læretida
• Mange kjekke kollegaer som vil ta godt vare på deg i eit inkluderande og trygt arbeidsmiljø
• Arbeidsplass i eit moderne bygg med AdO Arena vegg i vegg
• Gratis treningsrom
• Ulike sosiale aktivitetar
• Hospitering på ulike avdelingar i fylkeskommunen
• Høve til å søke utveksling i utlandet
• Oppstart etter avtale haust 2025

Har du spørsmål til stillinga eller ønskjer meir informasjon, kan du ta kontakt med fagleg leiar Tina Evensson Eknes eller spesialkonsulent Ruth Helen Langnes Polden.