Ledig stilling som driftsleiar på kyrkjegardane

I dei fire sokna på Bømlo er det ledig 100% stilling som driftsleiar frå 1.5.2025 eller etter avtale.

Bømlo kyrkjelege fellesråd har ansvaret for gravplassane i Bømlo kommune. Gravplassane er i tillegg til å vera grav- og sørgjestadar viktige parkområder for kommunens innbyggjarar. Det er eit mål å stelle gravplassane slik at det blir ein kjær stad å komma til. Til dette treng me dyktige arbeidarar.

Arbeidsoppgåver:

• Driftsleiar for arbeidsteamet på kyrkjegardane inkl. utvida team på sommarstid
• Praktisk tilrettelegging med opning og lukking av grav og urnegrav
• Tilrettelegging for seremoniar i kyrkjene
• Generell kyrkjegardsdrift og skjøtsel av grøntanlegg
• Stell av graver med stellavtalar
• Noko arbeid med gravstøtter
• Deltaking i vidareutvikling av gravplassverksemda på Bømlo

Kvalifikasjonar:

• Fagbrev som anleggsgartnar eller tilsvarande, relevant erfaring frå grøntanlegg eller maskinbruk kan kompensere for manglande utdanning
• Kompetansebevis for gravemaskin er ynskjeleg (kan bli aktuelt å dekkje om rett søkjar)
• Førarkort klasse BE er ynskjeleg (kan bli aktuelt å dekkje om rett søkjar)
• Tilfredsstillande dataferdigheiter

Eigenskapar:

• Praktisk anlagt og liker å jobbe ute
• Initiativrik, sjølvstendig og fleksibel
• Gode samarbeidsevner og god arbeidsmoral
• Fysisk utholdande

Me tilbyr:

• Tarifflønn og god pensjons- og forsikringsordningar
• Bedriftshelseteneste
• Godt arbeidsmiljø og trivelege kollegar
• Noko fleksibilitet knytt til arbeidstid
• Mogelegheita til å vera med å forma eiga stilling
• Personleg utvikling og kompetanseheving
• Variert arbeidskvardag

Anna

• Personlege eigenskapar vil bli vektlagt

Kyrkjegardsdrifta på Bømlo ynskjer å vera nytenkjande og me er i ei omorganiseringsfase som gjer at me i tida som ligg føre vil utvide med fleire robotklypparar på kyrkjegardane på Bømlo.