Lege i spesialisering

I Medisinsk klinikk har vi frå 1. mars 2025 ledig 2 faste stillingar og 2 vikariat som lege i spesialisering. Tidlegare eller seinare oppstart kan avtalast.

Avdelinga er aktiv og har stort fokus på fag og utdanning. Læringskurva er bratt, og ein tileignar seg raskt solid kompetanse innan det indremedisinske fagfeltet.

Gode lønsvilkår: Legar i spesialisering (2/3) Helse Fonna har i 2024 fått betydeleg betra lønsvilkår. Grunnlønn auka med 40.000 kroner pr. år.
Rekrutteringstillegg er innført, tillegg aukar etter ansiennitet. Lågaste lønskategori ved oppstart er lønskategori B.

Avdelinga har godt arbeidsmiljø med god oppfølging av LIS2/3, det er tett samarbeid med spesialistgruppa, låg terskel for drøfting og diskusjon. Gjennom introduksjonsprogram skal nye legar i avdelinga få god innføring, med mål om å kjenna seg trygge i møte med faget.

Stillingane føreset deltaking i pr. no 15 - delt vaktlag.

Legar som ventar på LIS 1 teneste, oppfordrast til å søkja, avdelinga kan ha nytte av slike legeressurser.

Medisinsk avdeling inkluderer Hjerte- og lungeavdeling, Avdeling for Eldremedisin, Medisinsk Avdeling A og Medisinsk Avdeling B.

Avdelinga er godkjend som utdanningsavdeling for generell indremedisin, kardiologi, geriatri, lungesjukdomar, gastroenterologi, nefrologi, endokrinologi og blodsjukdomar.

Send inn din søknad idag - me gler oss til å høyre frå deg!

Arbeidsoppgåver

• Arbeid ved sengeeining
• Delta i utgreiing og behandling
• Delta i tilstedevakt, pt. 15-delt
  

Kvalifikasjonar

• Norsk autorisasjon
• Gjennomført turnusteneste/LIS1-teneste
• Relevant erfaring frå LIS-stilling på sjukehus blir vektlagd
• Gode norskkunnskapar er heilt avgjerande for forsvarleg pasientbehandling. Søkarar som har andre morsmål enn norsk, svensk eller dansk, og som ikkje har fullført norskspråklig vidaregåande skule, må minimum ha bestått Bergenstesten, eller annan norsktest på B2 nivå. Dokumentasjon må vedleggast søknaden. Ved tilsetjing av allereie fast tilsett i føretaket kan ein unntaksvis, i særlege tilfelle, fråvika kravet om bestått norsktest på B2-nivå

Personlege eigenskapar

Hos oss er det viktig at du:

• bidrar positivt til eit fagleg og kollegialt godt miljø
• har god fagleg vurderingsevne, arbeider målretta og strukturert
• arbeider godt både sjølvstendig og i team
• har evnen til å ta sjølvstendige avgjersler

Vi tilbyr

• Eit godt kollegialt miljø
• Høgt fagleg nivå
• Løn etter gjeldande overeinskomst

Vitnemålsportalen
Vi oppfordrar alle søkjarar til å nytte Vitnemålsportalen for å laste opp vitnemål og karakterutskrifter.