Er du vår nye prosjektingeniør?

Stryn kommune søker prosjektingeniør i 100% fast stilling. Stillinga ligg under avdeling for

kommunalteknikk og inngår i etat for samfunnsutvikling. Avdelinga har funksjonane prosjekt, VA, park, grønt, veg, bygg drift og forvaltning, og reinhald.

Vi er på jakt etter ein sjølvstendig person med kjennskap til bygg- og anleggsbransjen, gjerne med kjennskap til prosjektering av veg/VA-anlegg. Som prosjektingeniør i Stryn kommune er dagane varierte. Du syter for anskaffing og oppfølging av konsulentar og entreprenørar i store og små investeringsprosjekt og følgjer prosjekta frå idé til overlevering. Du vil inngå i eit team på tre prosjektingeniørar som saman med driftsingeniør og driftsavdelingane skal løyse mindre og større utfordringar.

Arbeidsoppgåver

• Gjennomføre kommunen sine prosjekt innan fagområde veg, vatn, avløp og kommunale bygg
• Kontrollere ekstern prosjektering
• Utarbeide konkurransegrunnlag
• Innhente anbod
• Bidra til kontinuerleg forbetring av avdelingas rutinar og prosedyre

Kvalifikasjonar

• Høgare teknisk utdanning innan bygg og anlegg – høgskule/universitet
• Kompetanse på prosjektering av veg/VA er ein fordel, men ikkje eit krav
• Kompetanse på prosjektleiing/byggjeleiing innan bygg og/eller veg og VA med minimum 3 års erfaring frå gjennomføringsfasen i bygg-og anleggsbransjen
• Erfaring med kontraktstandardar
• Kjennskap til gjeldande lovverk og forskrifter, som Anskaffelsesforskriften, Byggherreforskriften m.m.
• Sertifikat minimum B
• Gode datakunnskapar
• Gode norskkunskapar både munnleg og skriftleg
• Det er ynskjeleg med ADK-1 sertifikat, men ikkje eit krav

Personlege eigenskapar

• Gode samarbeidsevner og personlege eigenskapar vil bli tillagt stor vekt
• Du har evne til å arbeide sjølvstendig, men trivst også med å jobbe i team
• Initiativrik
• Løysingsorientert med bakgrunn i fagkunnskap
• Du har gode evner til kommunikasjon, både ein til ein og i større forsamlingar
• Du er effektiv, strukturert og har evne til å føreta sjølvstendige vurderingar

Vi tilbyr

• Variert og utfordande arbeid i eit positivt miljø
• God pensjonsordning gjennom KLP
• Tilsetting etter gjeldande lover, tariffavtale og reglement
• Løn etter avtale