Ynskjer du å bidra til å styrke vårt fagmiljø innan HMS-arbeidet?

Voss herad skal styrka og vidareutvikla det førebyggande HMS-arbeidet, basert på kunnskap og erfaringar om dei risikofaktorane som er knytt til offentleg sektor og til kvar enkelt arbeidsplass i våre tenester. Me ynskjer å styrke vårt fagmiljø med deg som vil vera vår sentrale rådgjevar innan HMS-arbeidet. Stillinga ligg til HR-avdelinga ved stabsavdeling HR og Innovasjon. Du vert del av ei aktiv og kompetent faggruppe med ansvar for utvikling, rådgjeving og opplæring innan HMS og HR-feltet. Me har ein god arbeidsplass der arbeidsdagen er prega av utstrekt samarbeid på tvers i organisasjonen med moglegheit for påverknad og fagleg utvikling.

Me har ledig 100 % fast stilling som HMS rådgjevar med oppstart så snart som råd.

Arbeidsoppgåver

• Styrka det førebyggjande og systematiske HMS-arbeidet
• Rådgjeving innan HMS
• Koordinera og gjennomføre kompetanseutvikling, opplæring og informasjon
• Etablera og vedlikehalde HMS retningslinjer, rutinar og prosessar 
• Leia og/eller delta i utrednings- og utviklingsarbeid
• Sekretærfunksjon for arbeidsmiljøutvalet og byggearbeidsutvalet
• Samarbeid med verneteneste og tillitsvalte
• Koordinera samarbeidet med bedriftshelsetenesta 

Kvalifikasjonar

• Relevant utdanning på minimum bachelor nivå
• Ynskjeleg med erfaring frå HMS arbeid i offentleg sektor
• Fordel med leiarerfaring
• God digital kompetanse og systemforståing
• Gode språk og kommunikasjonseigenskapar skifteleg og munnleg

Søkjer du arbeid hjå oss og har ein partner som gjer det same, finn du mange spennande stillingar i Voss herad her: Voss herad - Våre ledige stillingar (easycruit.com)

Personlege eigenskapar

• Evna til å skapa eit godt samspel på tvers av faglege og organisatoriske einingar
• Kan arbeida sjølvstendig, strukturert og målretta med høg gjennomføringsevne
• Er ein god lagspelar og ein tillitsskapande relasjonsbyggar
• Er fleksibel og kan raskt handtere akutte situasjonar
• God formidlingsevne

Me tilbyr

• Eit godt arbeidsmiljø der me støttar og oppmuntrar kvarandre
• Ein inkluderande arbeidsplass der me legg til rette for fagleg og personleg utvikling
• Høve til å påverke eigen arbeidskvardag
• Løn etter kommunalt avtaleverk
• Fleksitid
• Gode forsikrings- og pensjonsordningar
• Mektig natur, ski- og fritidsterreng med aktivitetar frå fjord til fjell
• Ei levande kulturbygd med gode oppvekst- og utdanningsvilkår

Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn. 

Etter søknadsfristen vert det sett opp ei offentleg søkjarliste som inneheld namn, alder, stilling eller yrkestittel og bustads- eller arbeidskommune for kvar søkjar. I fylgje offentlighetsloven § 25 2. ledd kan opplysningar om søkjaren verta offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom førespurnaden ikkje vert teken til fylgje.

Ver venleg og last opp vitnemål og attestar til søknaden