Er du ein strukturert prosjektleiar som likar å følga eit prosjekt frå idé til ferdig anlegg?

Vasskrafta.
Å sjå den mektige krafta i vatnet verta omgjord til elektrisk kraft. Store krefter i sving som medfører krevjande tekniske utfordringar som me likar å arbeida med. Når dette arbeidet er med å sikra berekraftig produksjon av straum, som legg grunnlaget for det moderne samfunn, så tykkjer me det er ein flott totalpakke.
Vil du vera med som prosjektleiar i dette arbeidet?

Som prosjektleiar i Sunnhordland Kraftlag vil du få ansvar for å koordinera og leia oppgraderingar og vedlikehaldsprosjekt av vasskraftanlegg – frå dei første planane, til straumen fløymer gjennom nettet. Det første konkrete prosjektet vil vera eit stort oppgraderingsprosjekt som er satt i gang og varer ut 2027. Prosjektet skal bytte hovedtransformatorar, 420kV kabelanlegg og bygga nytt 420kV koblingsanlegg i Blåfalli III kraftstasjon. Eit prosjekt av betydeleg omfang og verdi. Her må alt planleggast slik at me raskt kan gjera ferdig arbeidet i tidsvindauge me har tilgjengeleg for å unngå produksjonstap i eksisterande anlegg. Her får du stå midt i smørauge av teknologi, berekraft og samfunnsnytte, og sørga for optimalisert nytting av det verdifulle vatnet. Stillinga er plassert i avdeling Teknisk Drift og Vedlikehald og rapporterer til teknisk sjef/driftsleiar.

Arbeidsoppgåver: 

• Planlegga, koordinera og følga opp prosjekt i alle fasar – frå idé, prosjektering og gjennomføring til ferdigstilling. Alt i samarbeid med internt fagmiljø, leverandørar og konsulentar for å sikra gode tekniske løysingar og framdrift.
• Sikra at prosjekta held tidsfristar, budsjett, kontrakt og KHMS - krav.
• Leie prosjektorganisasjonen med interne og eksterne aktørar, inkludert SHA-koordinator og teknisk støtte.
• Bidra i drift og vedlikehald når dette er naudsynt

Din kompetanse:  

• Fortrinnsvis relevant høgare utdanning, gjerne innan elektrofag, andre tekniske fag eller prosjektleiing. Erfaring kan kompensera for utdanning.
• Erfaring frå prosjektleiing og kontraktarbeid gjerne frå kraftproduksjon eller industri
• Erfaring med prosjektstyringsprogram, me brukar Interaxo
• Førarkort klasse B
• Norsk språk

Dine personlege eigenskapar:

• Strukturert med kommersiell og teknisk forståing.
• God på kommunikasjon og samarbeid – samlar teamet om felles mål.
• Løysingsorientert og trygg på å ta avgjerder.

Me tilbyr: 

• Moglegheiter for fagleg utvikling og vidareutdanning.
• Eit godt og inkluderande arbeidsmiljø
• Ein fleksibel arbeidskvardag med moglegheiter for delvis heimekontorordning.
• Firmabil og gode løns-, pensjons- og velferdsordningar som hytter, trening og helseforsikring.

For den som får jobben, blir det gjort bakgrunnssjekk i tråd med kraftberedskapsforskrifta.
 
Arbeidsstad: Matre i Kvinnherad men delvis bruk av kontor i Etne eller på Stord kan vurderast.

Søknadsfrist: 15.1.2025

Nyfiken? Har du spørsmål eller ønsker ein uforpliktande samtale om stillinga? Ta kontakt med vår rekrutteringsrådgivar i Human; Magnus Ånestad på 992 67 888. Du kan òg kontakta teknisk sjef/driftsleiar Eirik Ulvenes på 975 56 134, eller avdelingsleiar for teknisk drift og vedlikehald, Tore Storhaug på 909 39 434.