Vi søker ny kollega til viktig rolle

SpareBank 1 Sogn og Fjordane søkjer ny fagansvarleg kreditt bedriftsmarknad med kontorstad Førde. Banken har 66 milliardar i utlån, av dette er 16 milliardar lånt ut til bedriftskundar. Kredittavdelinga har ei sentral rolle i tilrettelegging av kredittarbeidet og styring av kredittrisiko i banken.  

Kredittavdelinga har i dag 8 tilsette og har ansvar for utarbeiding av rammeverk og regelverk for kredittarbeidet i banken. Vi er ansvarlege for tilrettelegging av kredittsystem, kontroll og intern rapportering. Avdelinga skal gi opplæring til rådgjevarane innan kredittsystem og regelverk, og gi råd og støtte til kredittarbeidet i banken. I samband med at noverande fagansvarleg går over i anna stilling i banken søkjer vi etter fagansvarleg kreditt bedriftsmarknad.  

Sparebank 1 Sogn og Fjordane har hausten 2024 gjennomført konvertering til Sparebank 1 Gruppen sine kredittsystem og løysingar. I 2025 vil vi fokusere på å hente ut gevinstar frå desse løysingane, og i dette arbeidet står Kredittavdelinga sentralt.

Arbeidsoppgåver  

Som fagansvarleg kreditt BM vil du ha ansvar for:

• Utarbeiding og vedlikehald av regelverk og rutinar for kreditt BM og delta i arbeidet med å sikre gode og effektive arbeidsprosessar. 
• Følgje opp eksternt regelverk og sikre god implementering og etterleving 
• Opplæring av kunderådgjevarar  
• Fagleg støtte for kunderådgjeverar og banksjef BM i det daglege kredittarbeidet 
• Administrator for banken sitt kredittutval

Eigenskapar og kompetanse 

• Høgare relevant utdanning 
• Inngåande kunnskap om kredittarbeid og bedriftsøkonomi, samt kjennskap til selskapsrettslege problemstillingar  
• Interesse for å halde seg oppdatert på nye regelverk og evne til å omsette dette i praktisk arbeid 
• Evne til målretta og systematisk arbeid 
• Kan arbeide sjølvstendig, i team og på tvers av fagmiljø  
• God formidlingsevne, skriftleg og munnleg 

Som arbeidsgjevar tek vi godt vare på våre tilsette. Noko av det vi kan tilby er fleksibel arbeidstid, hybrid kontorløysing, medeigarskap i bedrifta gjennom tildeling av eigenkapitalbevis, gode pensjons- og forsikringsordningar og ei spennande stilling med moglegheit for personleg utvikling i ein innovativ og framtidsretta bank. Hos oss får du eit triveleg arbeidsmiljø med kompetente kollegaer som vil ta godt i mot deg. Her er det korte vegar til avgjersler, vi hjelper kvarandre med å lukkast og det er rom for å vere seg sjølv. 

Nærare informasjon om stillinga får du ved å kontakte kredittsjef Gro Skrede Mardal, tlf. 481 67 094. 

Vi gjennomfører bakgrunnssjekk av søkar for å verifisere opplysningar som kjem fram av CV og tilgjengeleg dokumentasjon, samt kredittsjekk. Bakgrunnssjekk blir gjennomført av Semac AS etter at kandidaten er orientert om, og har samtykka til det.