Ta del i å setje standarden for framtidas havbruk

Eide er eit familieeigd selskap og blant pionerane i havbruksnæringa. Me har ein visjon om å setje standarden for framtidas havbruk. Visjonen vår handlar om å vere eit førebilete, sik at me kan produsera mat i sjøen på ein berekraftig måte.  

Me har nyleg gjennomført oppkjøp av slakteriet i Brandasund, som er ei viktig langsiktig satsing for Eide. Med eige slakteri har me kontroll over heile prosessen og kvaliteten på vårt produkt. Slakteriet skal vere eit føregangsslakteri innan kvalitet, HMS, berekraft og bruk av restråstoff. 

Om rolla

Me søkjer etter dyktige operatørar til vår fabrikk i Brandasund. Me ser etter folk til avdelingane våre opptak/bløgging, slakteri, pakkeri, og filet. Som operatør hos oss vil du ha ansvar for at produkta våre kjem ut med høgast mogleg kvalitet frå alle dei ulike produksjonsprosessane. Ditt bidrag til dette vil skje gjennom godt samarbeid med dine kollegaer og god forståing for matvaretryggleik. Hos oss vil du få vere del av eit trygt og mangfaldig arbeidsmiljø, der me er opptekne av at folk skal trivast og ha det gøy!

Viktige arbeidsområde:

Opptak/bløgging:

• Arbeidsoperasjonar på ventemerdanlegg
• Innpumping av fisk
• Bedøving og bløgging av fisk
• Vedlikehaldsoppgåver

Slakteri:

• Betjening av sløyemaskinar
• Handsløying av fisk
• Vedlikehaldsoppgåver

Pakkeri:

• Kvalitetsgradering- og sortering av fisk
• Overvaking og betjening av pakkegrader
• Spesialpakking etter kundespesifikasjonar
• Produktmerking

For alle prossesane gjeld eit kvalitetsbevist perspektiv, der ein forstår samanhengen mellom ulike kvalitetsparameter og matvaretryggleiken. Arbeidsplassen vil vere ved vår fabrikk i Brandasund, i Bømlo kommune. Stillinga rapporterer til teamleiar.

Kven er du?

Er du framoverlent og oppteken av effektive og nøyaktige prosessar kan du vere den me ser etter. Om du i tillegg ynskjer spennande arbeidsoppgåver, då vil me gjerne høyre frå deg.

Ønska kvalifikasjonar og personlege eigenskapar:

• Fagbrev i sjømatproduksjon er ein fordel
• Bidrar til god HMS-kultur og arbeider strukturert
• Arbeider godt sjølvstendig, og saman med andre
• Trucksertifikat er ein fordel, men opplæring vil bli gitt
• Meistrer godt norsk både skriftleg og munnleg

For stillinga gjeld krav til godkjent bakgrunnssjekk frå Luftfartstilsynet.

Eide tilbyr: 

• Godt arbeidsmiljø 
• Faglege utfordringar 
• Konkurransedyktige lønsvilkår, forsikrings- og pensjonsordningar 

Din kompetanse og ditt bidrag vil vere svært viktig for verksemda si vekst og drift i framtida. I Eide kjem du inn i ei verksemd som tør å satse både på våre visjonar og på våre folk. Me har eit motto: «Det viktigaste er å ha det gøy».  

Søknadsinformasjon 

Me ynskjer deg velkommen til å sende inn søknad, CV og relevante dokumentar. Om du har spørsmål knytt til stillinga eller rekrutteringsprosessen, ta gjerne kontakt med: Produksjonsleiar Monica Urang: monica.urang@efb.no / +47 97 71 02 42.