Me søkjer lærlingar som vil ta del i å setje standarden for framtidas havbruk

Eide er eit familieeigd selskap, og ein av pionerane i havbruksnæringa. Me har ein visjon om å setje standarden for framtidas havbruk. For å nå denne visjonen er me avhengige av dyktige og motiverte kollegaer. Som lærling hos oss vil du vere med i utviklinga av akvakultur. Me satsar på ny teknologi og berekraft, og har mange spennande initiativ på gang. Som lærling i Eide vil du lære av dyktige kollegaer samtidig som du vil vere ein viktig lagspelar. 

Om rolla 

I læretida vil du følge kompetansekrava i læreplanen for akvakulturfaget. I tillegg til det praktiske arbeidet vil du lære om fisk, biologi og havbruksnæringa. Du vil vere tilknytt eit opplæringskontor og ha ein fagleg ansvarleg i verksemda som vil støtte deg gjennom læretida. Du vil få god opplæring i alle daglege oppgåver ved våre lokalitetar.  

Eksempel på arbeidsoppgåver: 

• Fôring og stell av fisk 
• Større arbeidsoperasjonar som vaksinering, sortering, levering av smolt osv.  
• Forfallande vedlikehald av utstyr og anlegg 
• Orden, reinhald, og smitteforbyggande arbeid 
• Vere med og forbetre verksemda sine kvalitetssystem  

Me ynskjer lærlingar innanfor fagområdet akvakultur, som har bestått VG2 akvakultur. Aktuelle lokalitetar er våre sjøanlegg i Hardanger, Nordhordland og Nordfjord, og vårt settefiskanlegg i Hålandsdalen. Inkluder kva lokasjon du ynskjer læreplass ved i din søknad. 

Kven er du? 

• Me ser etter deg som har ein genuin interesse for faget og for næringa.  
• Du er punktleg og presis 
• Likar å vere ute og arbeide 
• Interessert i fisk og oppdrett  

Eide tilbyr:  

I Eide tør me å satse, på visjonar og på folk. Me bryr oss om kvarandre, fisken vår, og miljøet me driv i. Som lærling hos oss vil du vere ein viktig lagspelar og bli ein del av eit godt arbeidsmiljø. 

• Varierte og interessante arbeidsoppgåver 
• Eit arbeidsmiljø der både tryggleik og arbeidsglede er viktig.  

Søknadsinformasjon   

Me ynskjer deg velkomen til å sende inn søknad, cv, og relevante dokument. Har du spørsmål knytt til stillinga, ta kontakt med: HR-trainee Marte Midtbø / marte.midtbo@efb.no / 90801570

For meir informasjon om selskapet, sjå våre nettsider og sosiale medium www.efb.no.

Søk i dag og bli ein viktig del av vår spanande reise for å setje standarden for framtidas havbruk