Rådgjevar økonomi

Vestland fylkeskommune skal gje ungdom og vaksne vidaregåande opplæring med høg kvalitet. Den vidaregåande opplæringa skal bidra til berekraftig forvaltning av ressursar og til gode og vekstkraftige lokalsamfunn og sterke by- og senterområde gjennom mellom anna eit breitt og likeverdig opplæringstilbod.

Har du lyst til å vere med å utvikle vidaregåande opplæring i Vestland ? Er du løysingsorientert, har gode samarbeidsevner, og som kan bidra til å vidareføre og vidareutvikle den gode kvaliteten vi har i vidaregåande opplæring i Vestland?

Samla gir vi tilbod om opplæring i skule og bedrift til om lag 30 000 ungdom og vaksne. Vi har 42 vidaregåande skular, fagskule, produksjonsskule og folkehøgskule. Det er omlag 5000 tilsette og vårt årlege driftsbudsjett er på omlag 4,2 mrd.

Direktør for opplæring og kompetanse har ledig 100% fast stilling som rådgjevar økonomi, med hovudarbeidsoppgåver knytt til budsjett, økonomistyring og økonomisk analyse. Stillinga inngår som ein del av økonomistaben i avdelinga.

Vi søkjer deg som er serviceinnstilt, utviklingsorientert, har kompetanse på økonomiområdet og har kunnskap og interesse for vidaregåande opplæring

Arbeidsoppgåver

• årsbudsjett og økonomiplan for sektoren
• bidra til å gjennomføre vedteke budsjett
• controllerfunksjonar som økonomistyring, økonomisk analyse
  og rapportering
• rettleie skulane og rettleiingstenestene på økonomiområdet
• bidra til å vidareutvikle økonomifunksjonen

Kvalifikasjonar

Universitets-/høgskuleutdanning på masternivå innan økonomiske og administrative fag.
Søkjarar med utdanning på bachelornivå og relevant erfaring kan bli vurdert til å bli tilsett som konsulent.

Personlege eigenskapar

• gode samarbeidsevner og evne til å arbeide sjølvstendig
• evne til å arbeide systematisk og analytisk
• evne til å dele kunnskap og å lære frå andre
• god skriftleg og munnleg framstillingsevne
• god kunnskap om offentleg forvaltning og økonomistyring
• gode kunnskapar i bruken av IKT-verktøy
  

Vi tilbyr

• eit godt arbeidsmiljø med høg fagleg kompetanse
• gode offentlege pensjons- og forsikringsordningar
• løn etter avtale
• fleksibel arbeidstid