Psykologspesialist/psykolog

Klinikk psykisk helsevern for barn og unge (PBU) gjev spesialisert helsetilbod til barn og unge (0-18 år) med psykiske vanskar. Ambulante tenester er ein av seksjonane i PBU, lokalisert i det nye Barne- og ungdomssjukehuset ved Haukeland universitetssjukehus. Ambulante Tenester har tre team; ambulant team (AT)/intensivt ambulant team (IAT), DBT-team og psykoseteam.

Ambulant team/intensivt ambulant team har ledig stilling for psykologspesialist/psykolog frå snarleg.

AT/IAT-teamet har to funksjonar; AT er eit poliklinikkforsterka tiltak. Vi tilbyr arenafleksible behandlingstilbod, med fokus på å møte barnet/ungdomen og familien der dei er. Vi dekker store deler av Helse Bergen sitt opptaksområde. IAT er eit intensivert og arenafleksibelt behandlings- og oppfølgingstiltak til familiar i krise, med oppfølging i inntil 4 veker.

Vi er tverrfagleg organisert med psykologspesialistar, psykologar, sjukepleiarar/spesialsjukepleiarar, pedagogar, sosionom og vernepleiarar. Dei fleste med vidareutdanning i familieterapi og anna. Vi er totalt 12 fagpersonar i teamet.

Vi har stort fokus på korleis vi samhandlar internt og eksternt for å gi best mogleg tenester til pasientar og familie/nettverk rundt pasienten. Vi ønsker oss medarbeidarar som utfyller kollegagruppa vår; aldersmessig, kjønnsmessig og kompetansemessig. For å oppretthalde samansettinga av personalgruppa oppfordrast menn til å søke.

Vi ønsker oss medarbeidarar som er med på å ta ansvar for å bevare eit godt arbeidsmiljø og som bidrar i seksjonen med engasjement, faglegheit, kreativitet og openheit for nye idéar.

Vedkommande som får tilbod om tilsetting må legge fram tilfredsstillande politiattest (vandel), jfr Lov om helsepersonell § 20a (gjeld arbeid med barn og personar med utviklingshemming). Vedkommande må ha førerkort.

Intervju vil bli gjennomført i Glassblokkene fredag 14.02.25.

Arbeidsoppgåver

• Funksjonskartlegging, heimebasert behandling, foreldrerettleiing, familieterapi og undervising
• Vi søker deg som ønsker å arbeide med kortvarige behandlingsforløp i samarbeid med familie og nettverk
• Samarbeid både internt i team, mellom seksjonar i klinikken og på tvers av etatar
  

Kvalifikasjonar

• Norsk autorisasjon som psykologspesialist/psykolog
• Kunnskap om, og erfaring med pasientgruppa og gjerne familieterapi
• Høg arbeidskapasitet
• Førarkort kl. B
• Gode samarbeidsevner
• Trygg på digitale kommunikasjonskanalar
• Vilje og evne til fagleg oppdatering på beste praksis
• Må meistre norsk, både skriftleg og munnleg på minimum B2 nivå

Personlege eigenskapar

• Vi søker deg som brenn for barn, ungdom, familie og deira nettverk, og som ønsker å yte gode tenester på høgt fagleg nivå
• Du bør trivast i bil
• Du er komfortabel med å drive behandling der det er best for pasienten
• Du er sjølvstendig, løysingsorientert og målretta
• Du er god på samarbeid med andre

Vi tilbyr

• Lønn i samsvar med gjeldande avtalar
• Relevante kurs
• Triveleg arbeidsmiljø og høgt fagleg engasjement
• Fadderordning
• Rettleiing
• Flotte lokale i Glassblokkene
• Gode tilbod til tilsette

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.