Testleiar

Har du lyst på ein livsvIKTig sjanse?

Er du ein person som er nysgjerrig? Løysingsorientert? Samarbeidsvillig? Og har ei evne til å tenke litt utanfor boksen? Då må du lese vidare.

På Testsenteret jobbar vi med ulike system i helsesektoren. Vi er 32 fast tilsette, i tillegg til innleigde konsulentar, som brenn for feltet vårt. Vi er av ulik alder, kjønn og bakgrunn. Saman gjer vi kvarandre endå betre!

Vi tilbyr og støttar løysingar for pasientar, legar, sjukepleiarar og administrasjon med fleire. Helsenorge.no er eit døme som dei fleste har kjennskap til. Vi har eit stort og kompetent miljø innan testfaget.

Vi søker deg som har erfaring som testleiar, men er du nyutdanna og nysgjerrig på testleiing, er du òg velkomen til å søke.

Ta gjerne kontakt med ein av våre testleiarar for ein prat. Roy Andre Ellingsen (roy.andre.ellingsen at helse-vest-ikt.no, 41 74 60 99) eller Tina Merethe Veberg (tina.merethe.veberg at helse-vest-ikt.no, 97 76 18 80) fortel gjerne meir om korleis det er å jobbe som testleiar hos oss.

Arbeidsstad er Bergen, Stavanger eller Haugesund.

Arbeidsoppgåver

• Leie og gjennomføre testaktivitetar.
• Testleiing, testplanlegging og rapportering.
• Testrådgjeving.
• Bidra til fagleg utvikling i seksjonen.

Kvalifikasjonar

Dette er ønska kvalifikasjonar, men det er ikkje eit krav at du oppfyller alle desse:

• Relevant høgare utdanning innan IT.
• Erfaring med testleiing.
• Erfaring frå utvikling og/eller prosjektleiing.
• Erfaring frå helsesektoren.
• ISTQB-sertifiseringar.
• Erfaring med testing av UX og UU.
• Erfaring med bruk av testverktøy.
• God skriftleg og munnleg framstillingsevne, flytande norsk (skandinaviske språk kan aksepterast).

Personlege eigenskapar

Du kjenner deg att i dei fleste av punkta under:

• Du kan arbeide sjølvstendig og ta ansvar.
• Du har gode samarbeidsevner, viser initiativ og er proaktiv.
• Du kan koordinere og er god til å følgje opp.
• Du har god struktur i arbeidet ditt.
• Du evnar å lytte og forstå.
• Evne til å sørgje for god dialog med relevante ressursar hos helseføretak, leverandør og teknisk personell.
• Du klarar å levere under press.
• Du ønsker å dele din kompetanse med dine kollegaer.
• Du ønsker å satse på ein karriere innan testleiing.
• Du trivst i grensesnittet mellom teknologi og brukarmiljø.
• Du evnar å sette deg inn i detaljar og samstundes ha overblikk.

Vi tilbyr

• Du får moglegheita til å skape gode resultat både åleine og i samarbeid med andre.
• Fagleg utvikling gjennom spennande oppgåver, faggrupper, fagdagar, seminar og kurs.
• Eit stabilt og sterkt fagmiljø både lokalt og i regionalt samarbeid med andre helseregionar.
• Eit positivt og sosialt arbeidsmiljø med høg grad av medarbeidartilfredsheit.
• Løn etter avtale.
• Medlemskap i KLP som sikrar gode pensjonsordningar.

Vi likar å sjå kvarandre på kontoret, og å møtes fysisk er viktig for samarbeid og fellesskap. Men vi forstår at mange ønsker seg ein hybrid kvardag, med moglegheit til å variere mellom å jobbe heimanfrå og på kontoret. Hos oss kan du inngå avtale om heimekontor, og vi har fleksibel arbeidstid som gir rom for ein god balanse mellom jobb og fritid.

Vi oppfordrar alle søkjarar til å nytte Vitnemålsportalen for å laste opp vitnemål og karakterutskrifter. Ved å bruke Vitnemålsportalen sikrar du at dokumenta dine er verifiserte og oppdaterte. Du finn meir informasjon om korleis du brukar Vitnemålsportalen på www.vitnemalsportalen.no. Har du har tatt utdanning i utlandet, må du leggje ved godkjenning frå Direktoratet for høgare utdanning og kompetanse i søknaden (https://hkdir.no/utdanning-fra-utlandet). Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden.