Medarbeidar innan byggadministrasjon og kontordrift

Havindustritilsynet søker ein serviceinnstilt og fleksibel kollega innan byggadministrasjon og kontordrift. Du skal jobba tett saman med byggkoordinator og resten av laget Bygg/Internsikring for å løysa oppgåvene.

Denne rolla er viktig for å sikra at daglege drifts- og planleggingsoppgåver blir tekne vare på og gjennomførte effektivt og på ein god måte.
Vi ser etter ein person som likar å jobba strukturert, er sjølvstendig og nysgjerrig, som held god orden samstundes som du jobbar effektivt. Dette er ein servicefunksjon, og du vil vera mykje i kontakt med menneske. Det er difor viktig at du trivst i ei slik rolle, og kommuniserer godt med andre.

Bygg og kontordrift i Havindustritilsynet er ein sentral del i drifta av lokala våre i Professor Olav Hanssens vei 10, Stavanger. Lokala er på om lag 8 000 kvm, blir leigde av Entra Eiendom, og blir drifta av Newsec AS. Lokala består hovudsakleg av kontor, fellesareal og møterom, og vi vil basera oss i stor grad på leverandørar av tenester til dei viktigaste driftsfunksjonane.

Arbeidsoppgåver

Følga opp og gjennomføra aktuelle tenester og leveransar innan område som:

• Generell administrativ støtte til avdelinga
• Bestilling, mottak og oppfølging av varer og tenester som inngår i avdelinga sine driftsoppgåver
• Planlegging og praktisk tilrettelegging i samarbeid med avdelingar i Havtil, huseigar og andre leigetakarar i samband med bruk og drift av kontorlokala som posthandsaming, møblering, møterom, og interne lager
• Hjelpa til i samband med enkelte innkjøp og kontraktsarbeid
• Fakturamottak og kontroll (Unit4)
• Ajourhald av interne retningsliner innan området bygg/sikring, oppdatering av informasjon til Indre sone (intranett)
• Bistand i samband med arrangement i Havtil
• Bidra i arbeidet med øvingar, intern sikring og handtering av hendingar internt ved behov
• Aktiv oppfølging av uteståande saker i avvikssystemet
• Hjem Jobb Hjem-kontakt

Kvalifikasjonar

• Ønskeleg med fagbrev innan kontoradministrasjon eller tilsvarande relevant utdanning. Lang og relevant erfaring kan kompensera for manglande utdanning
• 2-5 års nyleg relevant arbeidserfaring med tilsvarande oppgåver
• Erfaring frå arbeid med praktisk drift og vedlikehald av bygg og administrasjonsarbeid som skildra
• God kjennskap til digitale verktøy
  

Havindustritilsynet er underlagt sikkerheitslova. Søkjarar til stillinga må kunna sikkerheitsklarerast og autoriserast for nivå Konfidensielt, jf. Sikkerheitslova § 8-2 "Sikkerheitsklarering"

Personlege eigenskaper

• Initiativrik og serviceinnstilt
• Evne til å handtera fleire oppgåver samstundes og bestillingar frå fleire delar av organisasjonen
• Gode kommunikasjons- og samarbeidsevner
• Evne til å jobba strukturert og sjølvstendig
• God skriftleg og munnleg framstillingsevne på norsk

Vi tilbyr

• interessante og utfordrande arbeidsoppgåver i ein spanande etat med eit viktig samfunnsoppdrag
• eit godt arbeidsmiljø med engasjerte og trivelege kollegaer med høg fagleg kompetanse
• gode moglegheiter til vidare kompetansebygging og utviklingsmoglegheiter
• løn etter avtale
• medlemskap i Statens pensjonskasse med gode pensjons- og forsikringsordningar
• fleksibel arbeidstid
• moglegheiter for heimekontor inntil to dagar i veka
• fadderordning
• lokalisert på Ullandhaug i Stavanger i moderne og trivelege kontorlokale med individuelle kontor
• Gode parkeringsmoglegheiter og bussforbindelsar i nærleiken
• aktivt bedriftsidrettslag og gode treningsfasilitetar
• ordning med trim i arbeidstida
• tilgong til bedriftshytte