Lærling - Helsefagarbeidar

Helse Førde har lange tradisjonar og positive erfaringar med opplæring av helsepersonell. Vi er eit helseføretak med lokasjonar både i Sunnfjord, Sogn og Nordfjord. Vi har ledige læreplassar i helsearbeidarfaget innan psykiatri, medisin og kirurgi. Som lærling, får ein rullere til fleire fagavdelingar i løpet av læretida.

Vi kan tilby ulike læreplassar som er spennande og utfordrande i eit godt fagmiljø. Lærlingansvarleg og rettleiarane våre sørgjer for at du får tett og individuell oppfølging gjennom læretida. Vi har utarbeidd eigen kompetanseplan som sikrar at måla i læreplanen for helsearbeidarfaget vert ivaretekne.

Ber om at det i søknaden vert opplyst om kvar du helst ønskjer å få tilbod om læreplass; Sunnfjord, Sogn eller Nordfjord. Om du har interesse for eit særskilt fagfelt, må du gjerne opplyse om det i søknaden.

Aktuelle søkjarar vert kalla inn til intervju.

Arbeidsoppgåver

• Pasientoppfølging og pleie
• Arbeidsoppgåvene er tilpassa læreplanen sine kompetansemål
• Tredelt/todelt turnus med arbeid kvar tredje helg

Kvalifikasjonar

• Bestått VG 1 Helse- og oppvekstfag
• Bestått VG 2 Helsearbeiderfaget
• God datakunnskap/trygg i bruk av digitale verktøy
• God orden og åtferd
• Må beherske godt norsk, både munnleg og skriftleg

Personlege eigenskapar

• Motivert for å vere lærling og for å verte rettleia
• Motivasjon og interesse for fagfeltet
• Gode kommunikasjonsevner
• Gode samarbeidsevner
• Imøtekomande og syner respekt for pasientar, pårørande og kollegaer
• Pliktoppfyllande og initiativrik
• Må trivast i eit aktivt arbeidsmiljø
• Personleg eigna

Referansar vert etterspurd

Vi tilbyr

• Du får løn etter tariff for lærlingar
• Vi kan tilby eit spennande arbeidsmiljø med god oppfølging og rettleiing etter opplæringsplanen
• Høgt fagleg nivå
• Fagleg og personleg utvikling
• Variert praksis
• Eigne fagdagar for lærlingar som er tilpassa kompetansemål i opplæringsplanen
• Gode pensjons- og forsikringsordningar
• Ein arbeidsplass som er ei inkluderande arbeidslivsbedrift (IA-bedrift)

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.