Psykolog

Grunna rullering i spesialisering lyser vi ut etter psykolog til vikariat i vår allmennpsykiatriske poliklinikk i Knarvik, lokalisert sentralt i 5. etasje i Region Nordhordland Helsehus (RNH). Du vert tilknytt eit tverrfagleg team med høgt fagleg nivå. Vi legg til rette for spesialisering og kursing innan evidensbaserte behandlingsmodellar som til dømes EMDR, CT-PTSD, CBT-E, MBT, DBT m.fl. Knarvik allmennpsykiatriske poliklinikk driv mellom anna MBT-team og B4DT, samt spissa team med MCT/ACT som metodikk.

Bjørgvin distriktspsykiatriske senter (DPS) er ein klinikk i Divisjon psykisk helsevern, Haukeland universitetssjukehus. Klinikken gir spesialisthelsetenester innan psykisk helsevern til bydelane Arna og Åsane i Bergen kommune og kommunane Alver, Austrheim, Fedje, Gulen, Masfjorden, Modalen og Osterøy.

Klinikken er organisert i to fagområde, allmennpsykiatri og psykose. Fagområde allmennpsykiatri består av poliklinikk på Tertnes og i Knarvik, seksjon for eBehandling og døgnseksjon C1 på Tertnes. Poliklinikkane har allmennteam, akutt ambulant team, angst- og depresjonsteam, DBT-team, MBT-team og traumeteam som driv eksponerande traumebehandling.

Arbeidsoppgåver

• Utgreiing og behandling av tilviste pasientar

Kvalifikasjonar

• Psykolog med norsk autorisasjon
• Kandidatane må meistre norsk både skriftleg og munnleg på særs godt nivå

Personlege eigenskapar

• Fagleg engasjert
• Gode samarbeidsevner
• Fleksibel
• Evne til å arbeide sjølvstendig

Vi tilbyr

• Spennande og utfordrande arbeidsoppgåver
• Gode kollektivmuligheiter frå Bergen sentrum
• Gode lokaler og godt arbeidsmiljø

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.