Vi søker ein dyktig og allsidig jurist som ønsker å jobbe med miljø i polarområda i nord og i sør!

Kva gjer vi i polar- og nordområdeseksjonen?

Vi har ansvar for nasjonal politikkutvikling og internasjonalt arbeid knytt til miljø i polarområda. Seksjonen har spesielt ansvar for forvaltning av naturmiljøet og kulturminner på Svalbard, etatsstyring av Norsk polarinstitutt, Svalbards miljøvernfond og miljøvernarbeidet hos Sysselmesteren på Svalbard. Seksjonen forvaltar statens eigarskap i Kings Bay AS, har ansvar for miljøvernsamarbeid i nordområda, og organisatoriske spørsmål knytt til Fram Nordområdesenter for klima- og miljøforsking ("Framsenteret"). Utvikling av forskingsbasert kunnskap om miljø i polarområda er eit viktig verkemiddel i vårt arbeid.

Dine arbeidsoppgåver vil vere:

Arbeidet i seksjonen har stor breidde og variasjon og ein dynamisk arbeidskvardag som er prega av utviklinga i polarområda.  Viktige oppgåver i seksjonen framover blir å følge opp tiltaka i miljøkapitlet i stortingsmeldinga om Svalbard frå 2024 og det internasjonale arbeidet knytt til Antarktistraktaten.

Arbeidsoppgåver:

• utvikling av miljøregelverket for Svalbard og Antarktis og arbeid med klagesaker på området  
• følge opp tiltak i miljøkapitlet i stortingsmeldinga om Svalbard fra 2024
• gje faglege råd til politisk leiing om miljøpolitikk, miljøforvaltning og kulturmiljø i polarområda
• delta i eierstyring av Kings Bay AS i Ny-Ålesund 
• følge opp etatane i miljøforvaltninga i polarområda (Norsk Polarinstitutt, Miljødirektoratet, Riksantikvaren og Sysselmesteren på Svalbard)

Vi søker deg som har følgande bakgrunn:

• mastergrad i rettsvitskap frå Noreg med gode karakterar
• relevant arbeidserfaring, fortrinnsvis frå departement eller offentleg forvaltning på miljøområdet, men relevant erfaring frå advokatverksemd eller tilsvarande kan også vere aktuelt
• kjennskap til norsk miljøforvaltning
• gode evnar til formulering på norsk og engelsk, munnleg og skriftleg

• det er ønskeleg med kjennskap til Svalbard og norsk svalbardpolitikk 

  Stillinga krev at du må kunne klarerast for «Hemmeleg».

For å lukkast i stillinga må du:

• vere analytisk og strukturert 
• ha evne til strategisk tenking og planlegging
• ha gode evnar til samarbeid og kommunikasjon og like å jobbe i team for felles resultat 
• ha forståing av rolla som embetsverk for politisk leiing
• det vil bli lagt stor vekt på personlige eigenskapar

Kvifor skal du jobbe hos oss?

• Vi kan tilby et dynamisk arbeidsfelt med eit bredt spenn av komplekse oppgåver knytta til miljø på Svalbard og i Antarktis
• Oppgåvene krever eit godt og tverrfagleg samarbeid med kolleger i andre departement
• Du får bidra med faglege råd for den politiske leiinga om viktige miljøspørsmål i norsk svalbardpolitikk og antarktispolitikk 
• Du får jobbe med ei gjeng engasjerte og dyktige kollegaer 
• Klima- og miljødepartementet gir gode moglegheiter til utvikling

Vi kan tilby mange sosiale, kulturelle og sportslege aktivitetar, inkludert 1 1/2 time trening i arbeidstida per veke. Lokala våre ligg sentralt i Oslo, med takterrasse, eigen sykkelparkering, og det er kort veg til offentleg transport. Vi arbeidar for fellesskap og samarbeid på tvers.

Vi er opptekne av:

Vi vil rekruttere den best kvalifiserte kandidaten til stillinga og treng derfor eit breitt rekrutteringsgrunnlag. I Klima- og miljødepartementet har vi eit personalpolitisk mål om å vere ein arbeidsgjevar som speglar mangfaldet i samfunnet, og som tek i bruk potensialet i den samla kompetansen i befolkninga. Vi arbeider for å inkludere personar med nedsett funksjonsevne og/eller som av ulike årsaker ikkje kan dokumentere ein samanhengande yrkeskarriere. Vi har gode tilretteleggingsmoglegheiter, og fleksibel arbeidstid tilpassa ulike fasar i livet.

Lønn:

• Årslønn for rådgjevar fra kr 600 000- 720 000
• Årslønn for seniorrådgjevar fra kr 680 000 - 850 000. For særlig kvalifiserte søkarar kan noko høgare lønn vurderast.

2 % innskot til Statens pensjonskasse blir trekt frå lønna.

Avhengig av dine kvalifikasjonar og år med relevant arbeidserfaring vil du bli tilsett som rådgjevar eller seniorrådgjevar, jf. personal- og lønnspolitikken i departementet. Som ein hovudregel blir det kravd minimum to års relevant erfaring for å bli rådgjevar, og fem år som seniorrådgjevar. 

Er dette stillinga for deg? Les dette:

• Vi ber om at du lastar opp vitnemål/karakterutskrifter (som kan hentast direkte frå Vitnemålsportalen) og relevante attestar.
• Utanlandske vitnemål må vere godkjent, sjå meir på hkdir.no.
• Vi tek vare på personopplysningane dine i samsvar med GDPR.
• Ver merksam på at opplysningar om deg kan bli offentleggjorde sjølv om du har bede om å vere unnateken frå søkjarlista. Du blir i så fall orientert om dette på førehand.
• Kvalifiserte kandidater med ulik arbeids- og livserfaring blir oppmoda til å søkje.