Geoteknikar

Vil du ha ein geofagleg utfordrande jobb, med mykje fridom i eigen arbeidskvardag? Vil du jobbe for at folk kvar dag kjem seg trygt fram til skule, barnehage, jobb, fritid og familie? Fylkesvegavdelinga i Møre og Romsdal fylkeskommune har ledig to faste stillingar på geofag. Avdelinga har frå før ein ingeniørgeolog og ein geoteknikar. I denne annonsa søker vi etter ein geoteknikar.

Møre og Romsdal fylkeskommune driftar over 3000 kilometer med fylkesveg, inkludert bruer, tunnelar, kulvertar, overbygg, ferjekaier, skredsikringar og støttekonstruksjonar. Vegnettet har dei fleste variasjonar av grunnforhold, skråningar, skjeringar, skred- og flaumproblem.

Som geoteknikar får du stor grad av fridom til å sjølv legge opp din eigen balanse mellom felt- og kontorarbeid.

Du tar del i eit viktig samfunnsoppdrag og du kan vere midt i hendingane når det står på med vêr og skred, eller nyte ein fleksibel arbeidsplass i rolegare periodar. Gjennom planleggings- og prosjekteringsarbeid får du vere med på å utforme framtidas vegar, tunnelar, bruer og ferjekaier i Møre og Romsdal.

Deltaking i fleire nettverk med andre fylkeskommunar og statlege etatar gjev moglegheit for god fagleg utvikling. Mange av utfordringane på fylkesvegane er ikkje standardproblem etter læreboka, og du får derfor bryne deg på varierte utfordringar kor ein må tenke nytt, smart og kreativt, gjerne med bruk av ny teknologi.

Innan samferdselsområdet har fylkesvegavdelinga kontorlokasjonar i Molde, Ålesund og Kristiansund og du kan velje kor du vil ha kontorstad.

Arbeidsoppgåver

Arbeidsoppgåver:

Geoteknisk prosjektering, rådgjeving, kontroll og oppfølging i planleggings-, prosjekterings-, bygge- og driftsfase.

Geoteknisk rådgjeving ved diverse geotekniske utfordringar på vegnettet (utglidingar, setningar, etc.).

Bestilling og oppfølging av grunnboring og laboratorieanalyse.

Bestilling og oppfølging av eksterne geofaglege konsulentar.

Geoteknisk inspeksjon av støttekonstruksjonar (i hovudsak tørrmurar), både manuelt og gjennom ny teknologi (eks. drone, LiDAR).

Utvikling og forbetring av interne kvalitetssystem og rutinar.

Ved ønske og kompetanse kan stillinga ta del i rådgiving i forbindelse med skredfare eller akutte skredhendingar på vegnettet (stein-, snø-, jord-, og sørpeskred).

Reising innanfor Møre og Romsdal må påreknast. Du får betalt reisetid og diettpengar.

Du vil ha stor fleksibilitet i arbeidskvardagen og noko fridom til å velje arbeidsoppgåver. Du er både på kontor og mykje ute i felt. Innhaldet i stillinga vil variere etter sesong og behov på prosjekt, og vil bli fordelt etter kompetansen til deg og dine geofaglege kollegaar.

Kvalifikasjonar

Vi søkjer etter deg som har

Utdanning på minimum master-, hovedfag- eller sivilingeniørnivå med retning geoteknikk, eventuelt utdanning på minimum master-, hovedfag- eller svilingeniørnivå innan ingeniørfag eller geofag, med etterutdanning i geoteknikk.

Relevant erfaring teller positivt, men nyutdanna kan og søke.

Kjennskap til standardar, vegleiarar og normalar innan geoteknikk.

God kjennskap til digitale geotekniske verktøy.

Du må ha førarkort klasse B.

Personlege eigenskapar

Personlege eigenskapar som blir lagt spesielt vekt på:

- Vilje og evne til å samarbeide med og involvere interne og eksterne partar.

- Gode kommunikasjonsferdigheiter både munnleg og skriftleg

- Du er utviklings- og løysningsorientert

Vi tilbyr

" ei utfordrande stilling i eit arbeidsmiljø kjenneteikna av stor profesjonalitet og sterke fagmiljø

" god tilgang til faglege nettverk og fagleg utvikling

" offentleg pensjonsordning, gruppelivs- og ulykkesforsikring

" løn etter avtale