Gynekolog

Bli med på laget ved vårt nye, moderne sjukehus og bidra til å forme framtida for gynekologiske tenester! Vi har ledig stilling ved gynekologiske poliklinikkar på Hjelset og Kristiansund.

Vi har eit ungt og dynamisk arbeidsmiljø som arbeider godt saman. Vi har hatt, og held framleis på med, ei stor satsing som inneber rekruttering av fleire nyutdanna jordmødre og legar i spesialisering. Dette har ført til fleire nye tilsette det siste året, men vi vil gjerne ha fleire på laget vårt.

Molde sjukehus har eit fødselstal på over 700 born årleg. Utover obstetrikk har vi også eit godt gynekologisk tilbod ved begge sjukehusa i Klinikk SNR. Det kirurgiske tilbodet vårt held eit høgt nivå, og vi utfører det meste av generell gynekologisk kirurgi - laparoskopisk, abdominalt og vaginalt. Vi samarbeider med Kristiansund sjukehus på ulike fagfelt innanfor gynekologi.

Du vil bli ein del av eit større fagmiljø i Helse Møre og Romsdal. Vi samarbeider nært med kollegaene våre i Kristiansund, Ålesund og Volda, i tillegg til St. Olavs hospital i Trondheim som har regional funksjon. Her vil det vere gode moglegheiter for jobbutveksling, hospitering og anna samarbeid, som til dømes forsking. Det er med andre ord gode moglegheiter til å utvikle seg fagleg. Vi kan også vurdere søknadar frå kandidatar som er nær å fullføre spesialiseringa si.

Våren 2025 flyttar vi inn i eit nytt og topp moderne akuttsjukehus på Hjelset, rett utanfor Molde sentrum! Les meir om sjukehuset her.

Byen vår!
Molde er rosens, jazzens og kulturens by, og ikkje minst eit eldorado for fjellturer, alpint, klatring, golf, seiling og padling. Byen er barnevennleg med nærleik til skule, barnehage og fritidstilbod. Vi har fleire daglege flyavgangar til Oslo og internasjonale ruter. Molde by fornyar seg med m.a. ny sjøfront og fleire spennande kaféer og spisestader. Les meir om Molde og Romsdalen her.

Arbeidsoppgåver

• Ordinære arbeidsoppgåver i fødselshjelp og kvinnesjukdomar
• Vaktordning med tilstadevakt 24/7
• Rettleiing av legar i spesialisering

Kvalifikasjonar

• Norsk autorisasjon som lege
• Må vere godkjent spesialist i fødselshjelp og kvinnesjukdomar
• Må meistre norsk/skandinavisk språk skriftleg og munnleg

Personlege eigenskapar

• Gode samarbeidsevner
• Evne til å arbeide sjølvstendig, og samstundes fungere godt i team
• Motivert for fagleg utvikling

Personleg eignaheit vert vektlagt ved tilsetting

Vi tilbyr

• Gode vaktordningar
• Flyttestønad etter gjeldande regelverk
• Sterkt tverrfagleg samarbeid
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår