Rådgjevar

Brenn du for simulering og ferdigheitstrening? Då er denne stillinga ved Senter for simulering og ferdigheitstrening (SSF) noko for deg!

SSF er ein seksjon i Kompetanseutvikling, Forskings- og utviklingsavdelinga (FoU) ved Haukeland universitetssjukehus.
Vi tilbyr medisinsk simulering, undervisning og trening på praktiske ferdigheiter innan helsefag og akuttmedisin. Målet vårt er å utvikla praktiske ferdigheiter, handlingskompetanse og tverrfagleg samarbeid mellom helsepersonell.
Senteret er etablert for at sjukehuset sine medarbeidarar skal ha ein arena for å trene på praktiske ferdigheiter og drive simulering. I tillegg blir det halde kurs for eksterne aktørar innan offshoreverksemd.

Vi har ledig ein fast 100% stilling som rådgjevar og vi søkjer deg som er sjukepleiar/spesialsjukepleiar eller har anna relevant utdanning.

Arbeidsoppgåver

• Planlegging, organisering og gjennomføring av kurs i helsefagleg simulering og kompetanseheving
• Planlegging og tilrettelegging av undervisning og ferdigheitstrening innan praktiske prosedyrar, akuttmedisin og teamtrening
• Tilrettelegging av kurs og undervisning for senteret sine brukarar
• Vedlikehalde kompetanse innan hjarte-lungeredning (DHLR/AHLR) i føretaket
• Medverke i faglege nettverk og instruktøropplæring i regi av SSF
• Dagleg drift av senteret

Kvalifikasjonar

• Autorisert sjukepleiar eller anna relevant helsefagleg utdanning
• Minimum 3 års klinisk yrkeserfaring
• Digital og teknisk kompetanse
• Erfaring frå undervisning innan medisinsk simulering og ferdigheitstrening
• AHLR utøver

Ynskjeleg:

• Instruktør i AHLR
• Prehospital erfaring
• Spesialsjukepleiar
• Fasilitatorutdanning

Personlege eigenskapar

• Er initiativrik, sjølvstendig
• Kunne jobbe målretta og har god arbeidskapasitet
• Evne til å organisere og vere god til å prioritere arbeidsoppgåver
• Bidra til å skape dialog mellom samarbeidspartar og vera god på teamarbeid/samhandling
• Positiv, fleksibel og bidra til eit godt arbeidsmiljø
• God formidlingsevne

Vi tilbyr

• Tverrfagleg miljø med høgt fagleg nivå
• Moglegheit for fagleg utvikling
• Opplæring og kurs i aktuelle arbeidsoppgåver
• Interessante, samfunnsnyttige og meiningsfulle arbeidsoppgåver
• Dyktige og engasjerte kollegaer
• Eit godt fagleg miljø i ein organisasjon som er i stadig utvikling
• Løn etter avtale

Personlege eigenskaper vil bli vektlagt.

Ansettelse snarast mogleg/etter avtale

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.