Spanande stilling som fagbioingeniør ved MBF Voss

Ser du etter ein jobb med gode utviklingsmoglegheiter og godt arbeidsmiljø? Då er dette jobben for deg!

På Voss kan vi tilby deg dette, og meir til. Voss er ein kommune i Vestland fylke omkransa av flott natur med rikt aktivitetstilbod. Opplev norsk natur på sitt beste med turar i fjellet, rafting, paragliding, alpint og rideturar. Voss kommune har om lag 16000 innbyggjarar og har eit rikt kulturliv med mange festivalar som Vossajazz, Osafestivalen og Ekstremsportveko. I juni blir Voss Cup arrangert, ein av noregs største barneturneringar i fotball. Kommunen er i vekst og står framfor ei utvikling i åra som kjem. Voss ligg sentralt i forhold til Bergen og fleire destinasjonar på Vestlandet. Per i dag er reisetid til Bergen med tog cirka 1 time og 15 minutt. Med bil brukar du cirka 1 time og 30 minutt.

Ved laboratoriet på Voss sjukehus vil du bli tilført stor fagleg kompetanse på fleire område. Laboratoriet utfører tenestar til Voss sjukehus, og bidrar til gode helse- og omsorgstenestar til befolkninga i tråd med vårt samfunnsoppdrag.

Laboratoriet ved Voss sjukehus dekker fleire fagfelt som legg til rette for ein variert og utfordrande arbeidskvardag. Vi tilbyr fagfelt innan:

• Hematologi og koagulasjon
• Klinisk kjemi/immunoassay
• Preanalyse og blodprøvetaking
• Tapping av blodgivarar og transfusjonsmedisin
• Mikrobiologi hurtigtestar

Det er totalt 15,2 årsverk tilknytta seksjonen som held til i lyse, trivelege lokale på Voss sjukehus.

Det er no ledig fast fagstilling ved MBF-Voss. Fagområda er knytt til preanalyse og pasientnær analysering.

Vi er klare til å inkludere DEG i vårt team ved laboratoriet på Voss sjukehus.
Oppstart etter avtale. Aktuelle kandidatar vil bli kontakta fortløpande.

Voss sjukehus er ein del av Helse Bergen HF. Meir informasjon om sjukehuset kan leses ved å følgje lenka: https://helse-bergen.no/avdelinger/voss-sjukehus

Arbeidsoppgåver

• Ansvar for fagområda preanalyse og pasientnær analysering, under dette oppfølging av interne og eksterne kvalitetskontrollar
• Instrument- og vedlikehaldsansvar for ABL Flex 825, BacTALERT 3D, Cobas Liat, osmometer og Cobas u411
• Ansvar for mindre pasientnære instrument og hurtigtestar
• Bestille og halde oversikt over reagensbehaldning i samarbeid med seksjonsleiar
• Ansvar for prøvetakingspoliklinikken på seksjonen
• Oppfølging og utarbeiding av prosedyrar knytt til fagområda
  
• Rettleiing av studentar og ansatte på seksjonen
• Delta i dagleg rutinearbeid ved seksjonen
• Blodprøvetaking
• Andre oppgåver kan tilkome

Kvalifikasjonar

• Norsk autorisasjon som bioingeniør
• Må meistre godt norsk både munnleg og skriftleg
  

Personlege eigenskapar

• Sjølvstendig, strukturert og ansvarsbevisst
  
• Fleksibel
  
• Gode kommunikasjons- og samarbeidsevner
  
• Må trivast i eit aktivt miljø
• Bidra til eit godt arbeidsmiljø

Vi tilbyr

• Lønn i samsvar med gjeldande overeinskomst i Helse Bergen.
• Stillinga inngår i 3-delt turnusordning
• Årleg rekrutterings- og behaldartillegg på kr. 50 000,-
• Årleg kompetansetillegg på kr 15 000,- ved oppstart av aleinevakter på kveld og/eller natt
  
• Flytte- og/eller bustadsgodtgjersle på inntil kr. 40 000,- første 12 månader
• Hjelp til å finna bustad
• Voss Resort årskort for deg som er aktiv i skisporet om vinteren og glad i fjellet om sommeren
• Gode pensjons- og forsikringsordningar
• Spennande jobb saman med gode kollegaer
  

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.