Spesialsjukepleiar/spesialvernepleiar

Avdeling for rusmedisin har ansvar for å sjå kva behov rusmiddelavhengige har og bidra til å sikre god behandling. Seksjon Tertnes er ein del av Avdeling for rusmedisin og består av ei sengepost og poliklinikk/ambulant team. Seksjonen består i dag av 2 psykologspesialistar, 1 psykolog, 1 lege, sjukepleiarar, vernepleiarar, miljøterapeutar, klinisk sosionom, kunst- og uttrykksterapeut, familieterapeut og treningsterapeut. Vi jobbar tverrfagleg der alle bidrar med sin spesialkompetanse i behandlinga rundt pasienten.

Familieambulatoriet
Siden 2014 har Familieambulatoriet (FA) vore lokalisert på seksjon Tertnes og tilbyr frivillig behandling for gravide og familiar med barn i alderen 0-6 år, der éin eller begge foreldre har vanskar relatert til rusmiddel eller avhengigheitsskapande medikament. FA tilbyr poliklinisk og ambulant oppfølging og samarbeider tett med Kvinneposten dersom det er behov for innlegging i brukarstyrt seng eller ved behov for elektiv innlegging.
FA er ein tverrfagleg og tverretatleg intervensjonsmodell. FA skal samarbeide med og ha ein koordinerande rolle i forhold til andre einingar innan spesialisthelseteneste (fødselshjelp, nyfødtmedisin, barne- og ungdomspsykiatri og tverrfagleg spesialisert rusbehandling (TSB)) og førstelineteneste (helse, sosial, barnevern), samt barnehage og ev. skole, PPT m.m. FA jobbar ut frå ein recovery-orientert behandlingsmodell.

Kvinneposten har 15 heildøgns sengeplassar for frivillig behandling av rusmiddelavhengige kvinner.

Vi verdset eit arbeidsmiljø prega av omsorg for kvarandre, høgt engasjement for pasientane, fagleg utvikling, nysgjerrigheit, eit godt tverrfagleg samarbeid med opne dører og kreativitet. Kvinneposten jobbar tverrfagleg og behandlinga består mellom anna av gruppeterapi, inividualterapi, treningsterapi og miljøterapi. I tillegg tilbyr vi kunstterapi og musikkterapi samt sosialfagleg oppfølging av klinisk sosionom og pårørandeoppfølging av familieterapeut.

Vi har no ledig stilling som spesialsjukepleiar eller spesialvernepleiar. Arbeid på dag/kveld på FA og arbeid i gjennomsnitt kvar 3. helg på Kvinneposten.

Arbeidsoppgåver

• Poliklinisk/ambulant oppfølging av pasientar
• Samarbeid i tverrfagle team
• Tett samarbeid med kvinneposten
• Samarbeid med andre instansar og kommunar
• Rettleiing
• Relasjonsbygging og motivasjonsarbeid for å skape endring
• Kartlegging av sosialt nettverk, arbeid, skole og anna
• Kartlegging av rusmiddelbruk
• Kartlegging av somatisk og psykisk helse
• Vurdering av andre tilbod og behandling
• Koordinering av tiltak saman med aktuelle samarbeidspartar
• Langsiktig oppfølging

Arbeid på helg:

• Behandling og ivaretaking av pasientar på sengepost
• Praktiske gjeremål

Kvalifikasjonar

• Norsk autorisasjon som sjukepleiar eller vernepleiar med relevant vidaretutdanning
• Sjukepleiar med minimum 2 års erfaring kan og søke
• Søkar må meistre norsk både munnleg og skriftleg
• Førarkort klasse B

Personlege eigenskapar

• Vere sjølvstendig, ansvarsbevisst, nøyaktig og engasjert
• Vere tolmodig
• Ha gode samarbeids- og kommunikasjonsevner
• Positiv innstilling til oppgåvene du blir sett til
• Ha evne til å sjå pasientane sine behov
• Respekt for kvar enkelt pasient
• Det vil bli lagt vekt på personleg egnethet og erfaring med pasientgruppa

Vi tilbyr

• Eit godt og triveleg arbeidsmiljø
• Fagleg og personleg utvikling
• Løn i samsvar med gjeldande overeinskomst
• Gode pensjons- og forsikringsordningar
• Ein arbeidsplass som er ei inkluderande arbeidslivsbedrift (IA-bedrift)

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.