Spanande moglegheit innan rekneskap i Ulvik!

ØkoRåd Hardanger og Voss er i vekst og søkjer etter ein ny kollega til vår avdeling i Ulvik! Me oppfordrar alle interesserte, både nyutdanna og erfarne rekneskapsførarar, til å søkja. Landbruk er eit viktig satsingsområde for oss, så det vil telja positivt om du har interesse eller erfaring frå denne kundegruppa. 

Som rekneskapsfirma ynskjer me å skapa ein arbeidsplass som skil seg frå snittet i bransjen. Me ynskjer å ha ein fleksibilitet i arbeidskvardagen og eit berekraftig arbeidstrykk gjennom året. Vår ambisjon er å vera ein lokal, framtidsretta arbeidsplass. Det skal vera rom for ambisjonar og personleg utvikling, men også rom for ulikt arbeidstrykk gjennom livets ulike fasar.

Har du ei tilknyting til Ulvik – eller har du lyst til å hoppa på denne moglegheita for å sjekka ut om livet i Ulvik er noko for deg? Me oppfordrar både lokale og potensielle tilflyttarar til å søka! I Ulvik vil du finna nydeleg natur med mange flotte turmål, kjekke naboar og eit lokalmiljø i utvikling. Her er gode fritids- og kulturtilbod med mange aktive organisasjonar.

Arbeidsoppgåver:

• Kundekontakt
• Rekneskapsføring/lønn/årsoppgjer
• Rådgjeving
• Porteføljeansvar
• Vidareutvikla avdelinga saman med gode kollegaer

Kvalifikasjonar:

• Ynskjeleg med erfaring frå eller interesse for landbruk
• Relevant erfaring frå rekneskap, lønnsarbeid, revisjon eller årsoppgjer
• Autorisert rekneskapsførar er ynskjeleg, men ikkje eit krav
• Dersom du har erfaring frå rådgjeving, rapportering eller andre økonomifunksjonar, kan du også vera ein aktuell kandidat for oss.

Eigenskapar:

• God systemforståing
• Gode kommunikasjonseigenskapar
• Sjølvstende og samarbeidsevne
• Er strukturert og systematisk
• God digital kompetanse

Me tilbyr

• Kjekt arbeidsmiljø med stor grad av fleksibilitet i arbeidskvardagen, blant anna fleksitid og høve til nokre dagar på heimekontor.
• Kontorplass i Ulvik saman med Ulvik-teamet, og fleire gode kollegaer og fagleg nettverk på Voss og i Øystese.
• Fagleg og personleg utvikling. Tilbod om intern og ekstern kursing.
• Moglegheit for å utforska nye ansvarsområde både internt og i Økoråd-kjeden.
• Gode lønns- og pensjonsvilkår