Rådgjevar

Om stillinga:

Høgskolen på Vestlandet, Avdeling for HR, har ledig ei fast stilling som rådgjevar innan HR-rekruttering.

Stillinga er knytt til Avdeling for HR. Det er denne eininga som tek hand om HR-rekrutteringsarbeidet for heile høgskulen. Blant arbeidsoppgåvene for stillingane er å bidra under utarbeiding av kravspesifikasjonar for stillingar, utarbeiding av utlysingstekstar, oppfølging av søkjarar, administrasjon av, og deltaking under intervju, sakshandsaming, kvalitetssikring og utarbeiding av tilbod om stilling.

Det vil også liggje andre personaladministrative oppgåver til stillingane, som å følgja opp ulike førespurnadar frå leiarar, tilsette, søkjarar og tillitsvalte på arbeidsfeltet.

Det er om lag 16 årsverk knytt til HR-rekrutteringsarbeidet ved høgskulen, så den som vert tilsett kjem inn i eit etablert fagmiljø med høg kompetanse og eit utstrekt og nært samarbeid om utføringa av arbeidsoppgåvene.

Arbeidsstaden er ved campus Haugesund eller campus Stord etter kva søkjar ønskjer. 

Ansvars- og arbeidsoppgåver:

• Personaladministrative oppgåver med særleg vekt på handsaming av tilsettingssaker, herunder deltaking i intervju
• Generell sakshandsaming, utreiingsoppgåver, opplæring og anna
• Leiarstøtte innan HR 
• Bidra til kvalitetssikring og -utvikling i det daglege arbeidet
• Vidareutvikling av rutiner med fokus på effektive arbeidsprosessar
• Andre oppgåver innan HR feltet kan bli lagt til stillinga 

Kvalifikasjonskrav:

Formell utdanning og kompetanse:

• Relevant høgare utdanning med minimum fullført bachelorgrad, helst mastergrad
• Administrativ erfaring, relevant erfaring med sakshandsaming
• Solid kjennskap til bruk av administrative datasystem og generelt god IKT-kompetanse
• Gode skriftlege og munnlege språkkunnskapar innan norsk og engelsk

Det er også ønskjeleg med:

• Erfaring med HR-arbeid 
• Erfaring frå UH-sektoren
• Erfaring med rekrutteringsarbeid 

Personlege eigenskapar:

• Gode kommunikasjons- og samarbeidsevner
• Evne til å ta initiativ, jobbe sjølvstendig og i team
• Stor arbeidskapasitet og god serviceinnstilling
• Fleksibilitet og fagleg engasjement
• Systematisk og kvalitetsbevisst

Vi tilbyr:

• Gode pensjons-, forsikrings-, og låneordningar i Statens pensjonskasse
• Spennande fagmiljø med moglegheit for kompetanseheving - og utvikling
• Høve for trening i arbeidstida

Stillinga vert løna etter Statens lønsregulativ, i stillingskode 1434 - Rådgjevar.

Frå løna vil det bli trekt 2 % innskot til Statens pensjonskasse.

Korleis søke på stillinga?

Send søknad og CV ved å klikke på knappen merka "Søk stilling" på denne sida.

Det er søkjar sitt ansvar å sørgje for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsetjingar. Dersom vedlegga overskrid 50 MB må dei komprimerast før opplasting eller leggjast ved som lenkje.

Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad.  Sjå www.hkdir.no for meir informasjon om vurdering av høgare utdanning.  (https://hkdir.no/utdanning-fra-utlandet/jeg-har-utdanning-fra-utlandet/sok-godkjenning-av-hoyere-utdanning-bachelor-master-ph-d)

HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her. (https://hkdir.no/utdanning-fra-utlandet/jeg-har-utdanning-fra-utlandet/sok-godkjenning-av-hoyere-utdanning-bachelor-master-ph-d/automatisk-godkjenning-et-raskere-alternativ)

Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga.  Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din. 

Søknadar kan ikkje sendast på e-post til enkeltpersonar ved høgskulen.

Generell informasjon:

Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.

Den statlege arbeidsstyrken skal i størst mogleg grad spegle mangfaldet i befolkninga. Det er derfor eit personalpolitisk mål å oppnå ei balansert alders- og kjønnssamansetjing og rekruttere personar med minoritetsbakgrunn, nedsett funksjonsevne og hol i CV.

Arbeids- og opphaldsløyve i Norge er ein føresetnad for å tiltre stillinga. 

Høgskulen på Vestlandet er underlagt forskrift for eksportkontrollsystem. Forskrifta kan komme til anvending i behandlinga av søknadane.

Vi tek atterhald om at stillinga si plassering i organisasjonen kan bli endra som følgje av ev. justeringar i HVL si interne organisering.

Kontaktperson(ar) ved Høgskulen på Vestlandet er:

1) Nestleder for Avdeling for HR, Anne Marit Morken, +47 55 58 79 30

2)  Fagansvarlig HR Rekruttering, Elisabet Veland, +47 55 58 75 09  

Inkludere, utfordre og samhandle

Les meir på våre heimesider. (https://www.hvl.no/)