Er du interessert i naturen, berekraft og gode kundeopplevingar?

Dronningbia leiter etter nye arbeidsbier som brenn for naturen, berekraft og gode kundeopplevingar.

Tenk deg ein solrik vårdag, der naturen har rista av seg vinterens beskyttande teppe og er i ferd med å eksplodere i fargar og aktivitet. Sjå føre deg at du står midt i alt dette vakre, fleire hundre meter oppe i fjellsida, med panoramautsikt utover fjell og dal, vatn og elv. For ein terapi! Dette er berre ei av dei mange opplevingane du kan ha, om du er så privilegert å få jobbe hjå oss i Vossabia.

Vil du samtidig vere ein del av ei verksemd som brenn for å formidle om natur, helse og kretsløp i eit større perspektiv, og utfordre korleis folk flest tenkjer om helse og hudprodukt? Ja, då er det hjå oss du bør søkje nye utfordringar!

Kvifor treng vi akkurat deg? Jo, fordi Vossabia er i stor vekst og treng difor fleire på laget. Me utviklar hud- og hårprodukt frå grunnen av med herlege råvarer rett frå naturen. Vert du motivert av å gi andre gode kundeopplevingar, lære nye ting og vil utvikle deg? Då er du truleg kandidaten me leitar etter!

Me søkjer både etter heiltids- og deltidsarbeidarar, og du treng ikkje ha bakgrunn frå liknande arbeid – me gir deg den opplæringa du treng.

I Vossabia tilbyr me:

·     Eit triveleg og uformelt arbeidsmiljø på Bulken

·     Kjekke kollegaer som byr på seg sjølv

·     Varierte arbeidsoppgåver innandørs og utandørs

·     Gode utviklingsmoglegheiter i ei verksemd i stor vekst

·     Moglegheit til å påverke for å sikre kvalitet og effektivitet

·     Fysisk aktivitet - arbeidet utførast manuelt og ved bruk av kroppens styrke

·     Moglegheit til å vere med på ei reise dei færraste får oppleve!

Dine oppgåver vil kunne bestå av:

·     Produksjonsarbeid

·     Kunde- og forhandlerservice

·     Ordrebehandling

·     Innhøsting av urter til produksjon

·     Andre oppgåver som naturlig høyrer saman med operativ drift

Me ynskjer at du:

·     Kjenner deg att i verdiane våre om heilskapleg helse

·     Er sjølvstendig, og samtidig fungerer godt i team med gode kollegaer

·     Er ansvarsfull, optimistisk og full av pågangsmot

·     Toler fysisk tungt arbeid

Høyrest dette spanande ut? Send oss ein søknad, så møtest me kanskje blant vakre blomar og eng på Bulken!

Dersom du har spørsmål om stillinga, kan du kontakte Hildegunn Hestvik på 911 76 783 eller Kjell Morten Brendøy på 915 68 975. Legg gjerne att ei melding dersom me er opptekne og ikkje kan svare med ein gong, så ringer me deg tilbake så snart som mogleg.

Søknadsfrist er sundag 2. mars.