Vil du bidra til å styrke vår innsats mot økonomisk kriminalitet?

Luster Sparebank er ein sjølvstendig bank der gode kundeopplevingar og banken sitt samfunnsansvar står i sentrum. Sentralt i banken sitt samfunnsansvar er arbeidet med å forebygge og forhindre kvitvasking. Me søker no etter ein rådgjevar for å styrke banken sitt arbeid med antikvitvask (AHV). Hjå oss vert du ein lagspelar og del av eit kompetent miljø, som bidreg til at banken etterlever lovverk og forhindrar kvitvasking og terrorfinansiering.

Arbeidsoppgåver

• Vurdering, analyse og oppfølging av risiko knytt til banken sine kundar, transaksjonar, produkt og tenester
• Utvikling og vedlikehald av risikovurderingar, styringsdokument og rutinar
• Halde banken oppdatert på eksterne regelverk innan området og tilpasse banken sine rutinar og system til dette
• Opplæring og rettleiing av kollegaer
• Samarbeide med banken sine øvrige forretningsområde og andre samarbeidspartar for banken innan området
• Ved behov ta del i øvrige oppgåver i avdelinga

Ynskjelege kvalifikasjonar

• Høgare utdanning innan relevante fagområde (økonomi, jus, revisjon mv.)
• God økonomisk forståing
• Gode kunnskapar i bruk av relevant IT-verktøy og digitale løysingar
• Erfaring frå arbeid med antikvitvask eller kundeorienterte stillingar innan bank/finans

Personlege eigenskapar

Me søkjer etter ein initiativrik person med gode analytiske evner. Du er strukturert og effektiv og evnar å prioritere og levere i henhold til tidsfristar. Du er løysingsorientert og god til å kommunisere, og har i tillegg ei positiv innstilling som verdset godt arbeidsmiljø med lagspel og arbeidsglede.

Me kan tilby

• Ein bank som brenn for gode kundeopplevingar og positiv utvikling i bygdene og lokalsamfunna me er ein del av.
• Eit arbeidsmiljø prega av godt samhald og kultur, god stemning og stå-på-vilje.
• Gode moglegheiter for fagleg og personleg utvikling.
• Gode velferdsordningar, fleksitid og løn etter avtale