Vil du arbeide med fysisk aktivitet, sosiale helseskilnader og sjukdomsbyrdeanalyser?

Ønskjer du å arbeide hos oss i Folkehelseavdelinga?

Folkehelseavdelinga har ansvaret for utvikling og oppfølging av folkehelsepolitikken og koordinering av det tverrdepartementale folkehelsearbeidet. 

Avdelinga har ansvar for fagleg etatsstyring av Folkehelseinstituttet, Direktoratet for strålevern og atomtryggleik, Helsedirektoratet og Mattilsynet. Vidare har avdelinga ansvar for eigarstyringa av Vinmonopolet. 

Folkehelseavdelinga har tre seksjonar: Seksjon for alkohol-, narkotika- og tobakkspolitikk, Folkehelseseksjonen og Seksjon for ernæring og mattryggleik.

Om stillinga

Vi har no ledig ein 100 % fast stilling som seniorrådgjevar/fagdirektør. Stillinga er plassert i Folkehelseseksjonen. 

Folkehelseseksjonen har spesielt ansvar for fysisk aktivitet, miljøretta helsevern, smittevern og vaksinar, strålevern og atomtryggleik, psykisk helse og livskvalitet, lokalt folkehelsearbeid, eldrepolitikk, sosiale helseskilnader, helseanalysar, helsekonsekvensvurderingar og sjukdomsbyrdeanalyser. 

Vi søker ein medarbeidar med brei kjennskap til folkehelsefeltet og seksjonens ansvarsområde, og som også kan bidra inn i arbeidet i dei andre seksjonane.

Arbeidsoppgåver

Den nye medarbeidaren skal ha oppgåver innanfor det breie folkehelsearbeidet og oppfølging av folkehelsemeldinga, herunder særleg arbeidet med fysisk aktivitet, sosiale helseskilnader og sjukdomsbyrdeanalyser. Det vil også vere aktuelt med arbeidsoppgåver på dei andre seksjonanes ansvarsområde. 

Vi søker ein person som kan bidra inn i strategiske diskusjonar om korleis løfte folkehelsefeltet framover.

Kvalifikasjonar og eigenskapar

Krav til kvalifikasjonar: 

• Relevant utdanning på masternivå.
• God skriftleg og munnleg framstillingsevne på norsk og engelsk.
• Relevant erfaring frå offentleg forvaltning.

• Brei kjennskap til folkehelsefeltet - spesielt for stillinga som fagdirektør.

  For stilling som seniorrådgjevar krev vi som hovudregel minimum seks års relevant arbeidserfaring. For stilling som fagdirektør krev vi som hovudregel minimum ti års relevant arbeidserfaring.

Personlege eigenskapar

Vi søker deg som:

• tek initiativ, er sjølvstendig, strukturert og effektiv
• har gode analytiske evner
• er raus, fleksibel og omgjengeleg med vilje og evne til å arbeide tverrfagleg
• er pliktoppfyllande og har god gjennomføringsevne også under tidspress
• er engasjert og flink til å finne løysingar i komplekse saker med ulike interesser
• har god samfunnsforståing og er interessert i politiske prosessar og statleg styring

Vi legg vekt på personlege eigenskapar som gjer nettopp deg skikka til stillinga. 

Mangfald og inkludering i Helse- og omsorgsdepartementet 

Vi er opptekne av mangfald, og meiner inkludering og mangfald er ein styrke. Vi ønskjer å vere ein arbeidsstad som speglar folket, og vi ønskjer medarbeidarar med ulike kompetansar, fagkombinasjonar, livserfaring og perspektiv for å medverke til endå betre oppgåveløysing. Vi oppmodar derfor alle kvalifiserte kandidatar til å søkje.

Vi har eit personalpolitisk mål om å inkludere personar med nedsett funksjonsevne og personar som har stått utanfor arbeid eller utdanning i lengre tid, og vi legg til rette arbeidstilhøva om det trengst.

Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju.

For å bli vurdert som søkjar i desse gruppene, det vil seie positivt særhandsama på denne måten, må søkjarane oppfylle visse krav. Les meir om krava på Arbeidsgjevarportalen (https://arbeidsgiver.difi.no/positivsaerbehandling)

Vi oppmodar deg til å krysse av i jobbportalen dersom du har funksjonsnedsetjing, hol i CV-en eller innvandrarbakgrunn. Avkryssinga i jobbsøkjarportalen gjer grunnlag for anonymisert statistikk som alle statlege verksemder rapporterer i sine årsrapportar.

Vi tilbyr

• sjølvstendige og varierte arbeidsoppgåver
• spennande arbeidsområde med gode moglegheiter til fagleg utvikling
• eit godt arbeidsmiljø med kompetente, engasjerte og trivelege kollegaer
• stillingsbrøk: 100 %
• fleksibel arbeidstid
• gode velferdsordningar
• treningsrom og moglegheit til trening i arbeidstida (to timar i veka).

Vi er underlagde lov- og avtaleverk som sikrar dei tilsette ryddige arbeids- og tenesteforhold.

Den som vert tilsett må kunne autoriserast for behandling av informasjon gradert BEGRENSA eller høgare etter sikkerheitslova.

Løn:

kr 730 000 - 950 000 avhengig av kvalifikasjonar og erfaring. For særleg kvalifiserte søkjarar kan vi vurdere høgare løn.

2 % innskot til Statens pensjonskasse blir trekt frå løna. Medlemskapen er ei av dei beste pensjonsordningane i landet, med gunstig bustadlån og gode forsikringsordningar.

Bakgrunnssjekk

HOD samarbeider med Semac for bakgrunnssjekk av aktuelle kandidatar. Bakgrunnssjekken blir utført etter samtykke frå deg som søkjar, og innebærerat me verifiserer CV og annan søknadsdokumentasjon i samband med tilsetjinga.

Slik søkjer du

Send søknad elektronisk via lenka "Søk stillinga" nedst på sida til JobbNorge.no.

 

Legg ved vitnemål og eventuelle attestar, og legg inn opplysningar til din CV.  

Alle dine personopplysningar vert tatt vare på i samsvar med GDPR.    

 

Unntak fra offentlig søkerliste  

I samsvar med offentleglova § 25 gjer vi merksam på at opplysningar om søkjaren kan bli offentleggjort, sjølv om søkjaren har bede om ikkje å bli ført opp på søkjarlista.