Vil du bli vår nye fagingeniør?

Medisinsk mikrobiologi er ein del av avdeling for laboratoriemedisin ved klinikk for medisinske tenester og beredskap i Helse Fonna. Laboratoriet vårt ligg flott til i den nye sørvestblokka med storslagen utsikt over Smedasundet og havet i vest. Avdelinga vår har teke i bruk ny avansert teknologi med høg grad av automasjon og digitale løysingar. Vi er i stadig utvikling.

Vi søkjer etter ein engasjert fagingeniør til ei ledig fulltids fast stilling i dagturnus. Arbeidstida vil innebere laurdags- og heilagdagsvakter - vaktene blir fordelt mellom bioingeniørar i vaktplanen.

Høyres dette interessant ut? Da vil vi gjerne høyre fra deg.

Nyutdanna vert oppmoda til å søkja på stillinga. Det blir kalla inn til intervju fortløpande.

Arbeidsoppgåver

• Delta i laboratoriets rutinearbeid, inkludert blodprøvetaking
• Delta i laboratoriets kvalitets-og forbedringsarbeid
• Betening og vedlikehald av medisinsk teknisk utstyr
• Utføra arbeid etter gjeldande prosedyrar og retningslinjer, og halda seg oppdatert på endringar
• Utføra delegerte arbeidsoppgåver frå fagansvarleg ingeniør
• Halda seg fagleg oppdatert, delta og bidra på kurs, internundervisning og møte
• Opplæring og rettleiing av studentar og nytilsette

Kvalifikasjonar

• Bioingeniør med norsk autorisasjon.
• Anna relevant utdanning og erfaring kan og bli vurdert.
• Kompetanse og erfaring innan mikrobiologi er ein fordel, men ikkje eit krav
• Kunnskap og erfaring innan relevant medisinsk-teknisk utstyr og IKT-system er ein fordel
• Gode kommunikasjonsferdigheter i norsk, muntlig og skriftlig

Det vil bli lagt stor vekt på personlige eigenskapar og vilje til å ta ansvar.

Personlege eigenskapar

Vi ser etter deg som:

• Har høg arbeidskapasitet, motivasjon og interesse for fagfeltet
• Har gode samarbeidsevner
• Er punktleg og påliteleg
• Er god til å sjå kva som må gjerast, og tilbyr og mottar gjerne hjelp
• Tilpassar deg lett, er løysningsorientert, lærevillig og fleksibel
• Trivst i eit tverrfagleg miljø
• Toler å stå i krevjande situasjonar og meistrar høgt tempo
• Bidreg positivt til eit fagleg og sosialt arbeidsmiljø

Kvifor skal du velje oss?

Hos oss får du:

• Eit trivelig og inkluderande arbeidsmiljø med dyktige og engasjerte medarbeidarar
• Eit laboratorium og eit fagområde under utvikling
• Ein spennande jobb med varierte arbeidsoppgåver
• Konkurransedyktig pensjonsordning. Yrkesskadeforsikring, gruppelivsforsikring og tenestereiseforsikring.
• Lønn i samsvar med gjeldande overeinskomst
• For å kunne vurdere fortrinnsrett til stilling, må søkar gi til kjenne dette i søknaden