Grunnervervar, Bergen

Avdelinga Eigedom og utbygging (EIU) er Vestland fylkeskommune si fagavdeling for bygge- og eigedomssaker. Avdelinga skal ivareta fylkeskommunen sin byggherrefunksjon og er ansvarleg for forvaltning, drift, reinhald, vedlikehald og utvikling av fylkeskommunen sine eigedomar. Samla areal på eigedomsmassen er ca. 800.000 m², og utgjer vidaregåande skular, tannklinikkar, kollektivanlegg, kultur- og administrasjonsbygg. Avdelinga er delt inn i 5 seksjonar; Stab og forvaltning, System og utvikling, Utbygging, Drift og Bybanen Utbygging. Stillinga som grunnervervar, med arbeidsstad Bergen, ligg i Stab og forvaltning, men slik at dei fleste oppgåvene vil vere er knytt til Bybanen Utbygging.

Bybanen Utbygging har ansvaret for å realisere nye byggetrinn i utviklinga av Bybanen i Bergen. Du får vere med på hele reisa frå reguleringsfase til overlevering til Bybanen AS. For tida består prosjektteamet av om lag 15 medarbeidarar som i hovudsak arbeider med ulike forberedande aktivitetar for oppstart av byggetrinn 5 til Åsane. Stillinga vi nå søkjer fagressurs til er den som skal leie arbeidet med grunnerverv i Bybanen Utbygging framover. I tillegg vil det vere oppgåver knytt til den eigedomsmassen avdelinga elles forvaltar.

Arbeidsoppgåver

• Delta i prosjektgrupper i heile fasen frå planlegging til ferdig bygging.
• Gjennomføre forhandlingar med grunneigarar.
• Kjøp av grunn, rettar og bygningar.
• Førebu og gjennomføre ekspropriasjon og tvangstiltreding når det er nødvendig.
• Førebu og bistå ved gjennomføring av skjønn for domstolane i nært samarbeid med advokat.
• Oppfølging og kontakt med grunneigarar i anleggsfase og sørge for utbetaling av erstatningsoppgjer.
  
• Vere rådgjevar i saker som inkluderer planfaglege og eigendomsfaglege spørsmål.
  
• Forvalte eigedommar som er innløyst i samband med grunnerverv og øvrige eigedommar i EIU.
  
• Inngåing og oppfølgjing av leigekontraktar (innleige og utleige) i EIU
  
  
  
  

Kvalifikasjonar

• Master eller tilsvarande innan fagområde som eigedomsfag, jordskiftefag eller juridiske fag.
  
• Erfaring og kunnskap frå arbeid med grunnerverv, skjønn, straksinnløysning, mm.
  
• God digital kompetanse.
  
• Førarkort klasse B.

Personlege eigenskapar

• Strukturert og sjølvstendig.
  
• Engasjert og gode evner til samhandling.
  
• Likar nye utfordringar og er dyktig til å handtera eit stort spenn av arbeidsoppgåver
  
• God muntleg og skriftleg framstillingsevne

Vi tilbyr

• Meiningsfulle og spennande arbeidsoppgåver
  
• Godt arbeidsmiljø og dyktige kollegaer
  
• Gode moglegheiter for fagleg påfyll
  
• Fleksitid
  
• Løns- og arbeidsvilkår etter kvalifikasjonar og i samsvar med gjeldande avtalar i Vestland fylkeskommune
  
• Gode forsikrings- og pensjonsordningar.