Sosionom

Klinikk psykisk helsevern for barn og unge (PBU) gir spesialisert helsetilbod til barn og unge (0-18 år) med psykiske vanskar, og deira pårørande. Stillinga er ved autismeteamet i Spesialpoliklinikken som er lokalisert i det nye barnesjukehuset på Haukeland universitetssjukehus. Vår seksjon har tre team; nevroteam, autismeteam og konsultasjonsteam. Vi har 12 psykologspesialistar/nevropsykologar, 2 barnepsykiater/barnelege, 2 psykologar i spesialisering, 4 fagkonsulentar, 3 konsulentar/sekretærar, spesiallogoped og fysioterapeut hos oss. Vi har stort fokus på korleis vi samhandlar internt og eksternt for å gi best mogleg tenester til våre pasientar.

Vedkommande som får tilbod om tilsetjing må legge fram tilfredsstillande politiattest (vandel), jfr Lov om helsepersonell § 20a (gjeld arbeid med barn og utviklingshemma).

Arbeidsoppgåver

• Oppfølging og rettleiing av føresette og pasientar med autismediagnose, samt konsultasjon og rettleiing til lokale fagpersonar som skal bistå familien. Oppfølging skjer både poliklinisk på HUS samt lokalt der barn/ungdom bur. Delta i organsiering og planlegging/gjennomføring av psykoedukative kurs til våre pasienter/ foresatte/ søsken.

Kvalifikasjonar

• Må meistre godt norsk både munnleg og skriftleg særlig godt.
• Minimum treårig helse- og sosialfagleg høgskoleutdanning og gjerne erfaring med pasientgruppen.

Personlege eigenskapar

• Strukturert
• Gode samarbeids- og kommunikasjonsevner
• Løysingsorientert
• Like varierte utfordringar
• Fagleg nysgjerrig

Vi tilbyr

• Fagleg og personleg utvikling
• Gode pensjons- og forsikringsordningar
• Eit aktivt og triveleg arbeidsmiljø
• Høgt fagleg nivå
• Fadderordning, rettleiing og internundervising

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.