Vil du jobbe som kostymeteknikar/kostymesyar ved landets største teater?

Det er ledig ei fast stilling som

Kostymeteknikar/ Kostymesyar

Ønskjer du å jobbe i ei kreativ avdeling med høgt tempo saman med dyktige og rause kollegaer?

Det Norske Teater søkjer ein positiv og ansvarsfull kostymeteknikar/ kostymesyar i 100 % fast stilling.

Om stillinga

• stillinga er basert på ein treårig turnus der ein arbeider to år som kostymeteknikar og eitt år som kostymesyar.
• arbeidstida følgjer ei skiftordning med dag-, kvelds- og helgearbeid

Arbeidsoppgåver

• dagleg ansvar for vedlikehald og klargjering av kostymer til alle scener som inkluderer vask, vedlikehald, reparasjon og innkjøp
• ansvar for å planlegge kostymeplasseringar og gjennomføre kostymeskift under framsyningane
• tett samarbeid med skodespelarar og dei ulike faggruppene på teateret
• saum og tilpassing av dame og herre kostymar til våre 3 scener
• koordineringsansvar for særskilde produksjonar ved behov

Ønska kvalifikasjonar

Vi ser etter deg som har sveinebrev i eit av handverksfaga kostymesyar, skreddar, kjole- og draktsyar eller tilsvarande relevant utdanning. Det er ein stor fordel om du har erfaring frå teater, opera eller ballett.

Ønska personlege eigenskapar

• du likar å jobbe med menneske og trivast med å jobbe i eit hektisk miljø
• fleksibel og løysingsorientert
• god orden og stor arbeidskapasitet
• arbeider sjølvstendig, og har gode samarbeidsevner
• serviceinnstilt, fleksibel og tolmodig
• merksam og med auge for detaljar
• snakkar godt norsk og kan kommunisere godt på engelsk

Vi tilbyr 

• ein spanande og utfordrande jobb med moglegheit for fagleg utvikling
• stor tilgang til kunstnarlege opplevingar, i eit spanande og profesjonelt teatermiljø
• gode kollektive pensjons- og gruppelivsforsikringar
• gunstig ferieordning
• lønn etter gjeldande tariff

Det Norske Teatret ønskjer å spegle samfunnet og oppfordrar kvalifiserte kandidatar som kan auke mangfaldet i organisasjonen vår til å søke. 

Ønska oppstart er 4. august 2025