Sjukepleiar - 100% fast Manger heimeteneste

Om stillinga

Vi har ledig 100 % stilling som sjukepleiar i todelt turnus med arbeid kvar 3.helg. 

Arbeidsoppgåver

Heimetenesta gjev tenester til brukarar som bur i eigen heim og i omsorgsbustad pluss. Kvardagen hjå oss er variert, med stor grad av sjølvstende og fagleg utvikling. Tenestene femnar m.a. om heimesjukepleie, heimehjelp og administrasjon av medisinar. Heimetenesta samarbeider tett med ulike fagmiljø, for det beste til brukarane, både innad i kommunen og ut mot spesialisthelsetenesta. Det er krav om at utførte tenester vert dokumenterte i Profil.

Om avdelinga

Heimetenesta i Alver er delt inn i 7 geografiske områder der Manger heimeteneste er lokalisert sentralt på Manger. Avdelinga har eit godt tverrfagleg team av fagansvarleg, driftskoordinator, sjukepleiarar, helsefagarbeidarar og assistentar. Avdelinga har ca. 32 årsverk og gjev tenester til brukarar som bur på Radøy, og til bebuarar som bur i bustad med heildøgnstilbod (bustadene er og sentralt på Manger). Manger heimeteneste kan tilby eit godt og kjekt arbeidsmiljø. Vi er ei avdelinga i stadig utvikling og har eit felles fokus på gode tenester.

Heimetenesta har deltatt i TØRN-prosjektet på vegne av Alver kommune. Vi har jobba med oppgåvedeling og tenestestyrt bemanning, og byggjer vidare på dette arbeidet i kvardagen.

Er du klar for ein jobb der du gjer ein forskjell i kvardagen til andre? Vi har no ei ledig stilling som sjukepleiar, og vi håpar at akkurat DU vil bli ein del av teamet vårt. Hos oss får du høve til å vere med og påverke arbeidskvardagen din, og vi set pris på ditt engasjement og faglege bidrag.

Kvalifikasjonskrav

• Autorisert sjukepleiar
• Førarkort klasse B
• Gode norskkunnskapar, skriftleg og munnleg, tilsvarande minimum nivå B2.

Kven er du?

Personlege eigenskapar vil bli vektlagt før tilsetting: Du er inspirerande og engasjert i faget. Du kan prioritera i ein travel kvardag, og trivst både med å arbeide sjølvstendig og som del av eit team. Vi ser etter deg som har evne og vilje til å bidra til eit godt arbeidsmiljø, og skape arbeidsglede i ein hektisk kvardag. Du er fagleg sterk og trygg i yrkesutøvinga. Du er i tillegg løysingsorientert og fleksibel. 

Vi tilbyr

• Engasjerte, flotte og framtidsretta kollegaer
• Eit positivt og inkluderande arbeidsmiljø
• Ein aktiv kvardag med mange spennande og varierte utfordringar
• Fagleg utvikling
• Årsturnus med muligheter for langvakter
• Tilsetjing i samsvar med gjeldande lov- og avtaleverk
• God pensjonsordning gjennom KLP
• Gratis parkering ved arbeidsplass

Politiattest

I tråd med helse- og omsorgstenestelova § 5-4 vert det stilt krav om tilfredsstillande politiattest ved tiltrede.

Vi er Alver

Bli kjent med Alver kommune!

Video: https://www.youtube.com/watch?v=_xHE9zF24G4&ab_channel=Alverkommune